In Extremo

In Extremo es un grop de folk metal alemand de Berlin.

Michael Rhein (Das letzte Einhorn), lo cantaire de In Extremo

Cantan dins mantunas lengas, en latin, en occitan, en suedés, en norvegian, en islandés, en espanhòl, e, de segur, en anglés e en alemand. An collaborat ambe de grops de nombroses païses d’Euròpa, coma Mägo de Oz, ambe qui aguèron un succès ambe lo títol en espanhòu En esta noche.

Lo grop èra d'en primièr format pels membres de dos grops independents, d'un costat, un grop de musica medievala, e de l'autre un grop de ròck. Los sòcis dels dos grops se reüniguèron dins divèrsas amassadas dins un mercat medieval ont faguèron de concèrts. En 1996 comencèron en seguida de jogar dins divèrses estanquets de Berlin ambe los instruments qu'avián. Sonque demòra una cançon d’aquela periòda, Ai vis lo lop, la represa d'una vielha cançon tradicionala occitana. Aguèron lèu-lèu de succès tre la sortida de lor primièr album, e comencèron alavetz de collaborar ambe d'autres grops, coma Corvus Corax o Bathory.

Lor estili musical es una mèscla entre la musica tradicionala medievala e lo heavy metal, çò qu'a fach que son sovent classats dins lo folk metal.