Dobrir lo menú principal

Hesbollà

(Redirigit dempuèi Hezbollah)
Bandièra de l'Hisbollah vista en Iran a l'entèrrament de Mohsen Hojaji a Teheran.

L'Hisbollah, var. l'Hesbollà o l'Hezbollah (en arabi حزب الله , en occitan «Partit de Dieu»), fondat en junh de 1982 mas revelat publicament en febrièr de 1985, es un grop islamista chiite e un partit politic basat a Liban. Sas activitats paramilitaras son supervisadas pel Conselh Central Jihadista. L'organizacion es qualque còp qualificada de «jihadista chiite». Foguèt creat en seguida de l'intervencion militara israeliana a Liban de 1982, en s'apiejant en lo finançament iranian. Dempuèi la mòrt d'Abbas Moussaoui en 1992, lo grop es dirigit per Hassan Nasrallah.

Los Estats Units, Canadà, Austràlia, los Païses Basses e Bahrayn l'an plaçat sus lor lista de las organizacions terroristas. Lo 22 de julhet de 2013, l'Union Europèa a classat la branca militara de l'Hisbollah sus sa lista de las organizacions terroristas. Lo 2 de març de 2016, l'Hisbollah es estat tanben plaçat sus la lista de las organizacions terroristas tenguda pels sièis païses arabs del Golf Persic, dins lo contèxt de lor lucha amb Iran, seguits lo 11 de març de 2016 per la Liga Aràbia.

Nòtas e referénciasModificar

  • (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Hezbollah ».