Grands Lacs (Africa)
Coma los celèbres Grands Lacs d'America del Nòrd, los Grands Lacs d'Africa son un sistèma de lacs localizat en Africa de l'Èst. Orientat dins lo sens nòrd sud, aquel ensemble revela la partida miègjornala de la Granda Val del Rift. Compren lo lac Victòria, lo tresen lac del mond par sa talha. Los grands lacs son (superfícia / prigondor maximala) :
- Lac Tanganyika (32 900 km² / 1433 m)
- Lac Victòria (68 100 km² / 82 m)
- Lac Malawi (30 900 km² / 706 m)
- Lac Turkana (6 405 km² / 109 m)
- Lac Albèrt (5 270 km² / 51 m)
- Lac Aidoard (2 150 km² / 117 m)
- Lac Kivu (2 700 km² / 485 m)
- Lac Kyoga (1 720 km² / 5,7 m)
A – lac Albèrt • E – lac Aidoard • K – lac Kivu • T – lac Tanganyika • Y – lac Kyoga • V – lac Victòria • M – lac Malawi
Païses vesins:
UG – Oganda • KE – Kenya • CD – Republica Democratica de Còngo • RW – Rwanda • BI – Burundi • TZ – Tanzania • ZM – Zambia • MW – Malawi • MZ – Moçambic
Qualques considèran que sols los lacs Victòria, Albèrt e Aidoard constituisson los Grands Lacs perque son los sols que s'escampan dins lo Nil Blanc. Los lacs Tanganyika e Kivu s'escampan dins Còngo.
Region dels Grands Lacs
modificarAquela region es una de las regions pus fòrtament pobladas del mond amb una populacion estimada de 150 milions d'abitants. Per causa de son anciana activitat volcanica, aquela partida d'Africa es tanben una de las regions pus fertilas. Son altitud li balha un clima puslèu temperat malgrat sa localizacion sus l'eqüator. Aquel clima permet l'elevatge (lo bestial demòra alunhat de las malautiás), en particular de bovins e de cabras.
A causa la densitat de la populacion e lo susplus agricòla de la region, la zona es organizada en fòrça pichons Estats. Las pus poderosas d'aquelas monarquias foguèron Rwanda, Burundi, Buganda e Bunyoro. Al contrari de las autras regions d'Africa, las ancianas frontièras foguèron sovent mantengudas per las poténcias colonialas.
Fòrça cobejada a causa de la font de Nil, la region interessèt longtemps los Europèus. Los primièrs qu'arribèron dins la region en nombre foguèron los missionaris. Coneguèron un succès limitat dins la conversion dels autoctòns. Lo contacte grandissent amb lo rèsta del mond condusiguèt a una seria d'epidèmias catastroficas concernent los èssers umans coma lo bestial. La populacion de la region demeniguèt fòrça, fins a 60% dins qualques zonas. La region tornèt al nivèl demografic precolonial solament dins las annadas 1950.
Considerada coma una region de grand potencial aprèp l'independéncia, la region subiguèt aquelas darrièras annadas guèrras civilas, violéncias intensas e un genosuicide, que la daissèron dins un grèu estat de pauretat que sols Kenya e Tanzania i escapan.