Dobrir lo menú principal
Nil blanc
Pont sul Nil Blanc a Joba.
Pont sul Nil Blanc a Joba.
Niloblanco.jpg
Lo Nil blanc e son malhum d'afluents
Caracteristicas
Longor 3 700 km
Bacin 1 849 988 km2
Bacin collector Bacin de Nil
Debit mejan 878 m3⋅s-1 (Mogren, Khartom)
Riu
Font principala Ruvyironza
 · Localizacion Burundi
 · Coordenadas 3° 55′ 00″ S, 29° 50′ 00″ E
Confluéncia de las fonts Prèp de Khartom
Geografia
Païses traversats Burundi, Oganda, Rwanda, Tanzania, Sodan del Sud, Sodan
Vilas principalas Jinja, Joba, Khartom

Lo Nil Blanc (Bahr el-Abiad) es un embrancament del Nil.

NomModificar

Lo nom de « Nil Blanc » se pòt aplicar a tot o partida del sistèma idrologific en amont de la confluéncia amb lo Nil Blau. Dins lo sens mai estricte, lo Nil Blanc es lo cors d'aiga format al lac Nò a la confluéncia entre Bahr el-Gebel e el-Ghazal. Dins lo sens mai larg, pòt far referéncia a fòrça riuss rajant dempuèi lo lac Victòria fins al Nil Blanc strict. Es tanben possible de designer atal lo cors d'aiga que raja dempuèi la font mai alunhada fins a lac Victòria.

Entre lo lac Victòria e lo lac Albèrt, lo cors d'aiga es tanben designat Nil Victòria. A la sortida del lac Albèrt, es tanben nomenat Nil Albèrt.

En arabi, lo nom del flum es النيل الأبيض (an-Nīl al-Ābyaḍ, literalament « Nil Blanc »).

Una ipotèsi sus l'origina del nom del flum seriá que vendriá de sa color clara, duguda a son fèble taus en limon, per contraste amb aquela del Nil Blau, mai escur. Un autre ipotèsi es que son nom ven de la designacion universala del punt cardinal oèst dempuèi la mai nauta Antiquitat segon lo còde geocromatic (lo blau designant l'èst, coma pel Nil Blau)[1].

GeografiaModificar

PercorsModificar

FontModificar

 
Las tombadas Rusumo sul Kagera, a la frontièra entre lo Rwanda e la Tanzania.

La font mai alunhada de las aigas de lac Victòria es aquela del Ruvyironza al Burundi. Aquela font se pòt considerar coma aquela del Nil, dins la mesura ont s'agís de la font del bacin del Nil mai alunhada de la bòca.

Lo Ruvyironza s'escampa dins lo Ruvubu près de la vila burundesa de Kayanza. Lo Ruvubu s'escampa dins lo Kagera. Cadun d'aqueles tres cors d'aiga es a vegada considerat coma una de las fonts del Nil Blanc.

Après lor confluéncia, lo Kagera s'escampa dins lo lac Victòria.

OgandaModificar

L'emissari del lac Victòria es tanben nomenat Nil Victòria. Se situa près de Jinja, en Oganda. 15 km en aval, passa las tombadas Bujagali puèi se'n va cap al nòrd e l'oèst, alimentant lo lac Kyoga dins lo centre del país.

Just abans d'intrar dons le lac Albèrt, la riu passa una gòrja de mens de 10 m de larg a las tombadas Murchison, marcant son intrada dins la branca occidentala de la val del grand rift. Dintra dins lo lac Albèrt sul penjal oriental dels monts Blaus.

La riu sortissent del lac Albèrt, al nòrd, es tanben conegur jol nom del Nil Albèrt.

Sodan del Sud e SodanModificar

 
Vista aeriana de la zona de confluéncia dels Nil Blau e Blanc. Khartom es situat al centre e en bas, Omdurman a esquèrra e Bahri a drecha, caduna sus una riba. L'Illa de Tuti es visible al centre de la confluéncia, entre las tres vilas.

Al nòrd de Nimul, lo cors d'aiga dintra al Sodan del Sud e pren lo nom de Bahr el-Gebel. Passa de cataractas abans d'intrar dins la plana sodanesa los vastes sanhas del Sudd. Passa Juba, la capitala del país e lo punt navigable mai al sud del bacin del Nil. Acaba al lac Nò ont confluís amb Bahr el-Ghazal e forma lo Nil Blanc. Una anabranca, le Bahr el-Zeraf, se separa del Barh el-Gebel, passa lo Sudd e rejonh fin finala lo Nil Blanc.

Lo Nil Blanc passa Kodok e penètra al Sodan. Confluís amb lo Nil Blau a Khartom e forma lo Nil.

Nòtas e referénciasModificar

  1. Michael Henry Heim, Mediterranean: A Cultural Landscape, University of California Press, , p. 147

Vejatz tanbenModificar

 

Wikimedia Commons prepausa de documents multimèdia liures sus Nil Blanc.

Articles connexesModificar