Bestiau

(Redirigit dempuèi Bestial)

Lo bestiau (var. bestial) es un tèrme collectiu (sensa plurau) que designa l'ensems dei bèstias de norrigatge, exceptat la polalha e leis animaus que vènon de l'aqüacultura. Leis animaus que lo constituisson forman un tropèu. Si destrián lo gròs bestiau (bovin, cavau, muou, ai) e lo pichon bestiau (moton, cabra, pòrc).

Tropèu de motons.

Lei societats umanas dichas primitivas si fondan sus un mòde de subsisténcia que si ditz "mòde caçaire-culhaire". Après apareissèron lei societats que sa subsisténcia si fonda sus lo norrigatge e la domesticacion e qu'impausa un nomadisme amb una tòca de gestion de la ressorsa vegetala naturala (rotacion). La domesticacion permetèt e permete totjorn ai societats tradicionalas e modèrnas de seleccionar leis animaus mai favorables au norrigatge.