Goulamas'K

(Redirigit dempuèi Goulamas'k)

Goulamas'k qu'ei un grop de musica ska rock occitan creat en 1999 damb basa entre Tolosa e Marselha, en còr dera garriga de Besièrs. Son majoritariament originaris deth petit vilatge Puègserguièr, que se tròbe a 18 quilomètres de Besièrs e Ròcabrun laguens dera val der Òrb. Canten en occitan, espanhòu, catalan e francés.

Lo grop en concèrt (fòto d'Aura Seguièr) en 2011

Istòria deth grop modificar

  • Eth grop neish ara fin des annades 1990(99), en Puègserguièr. Se hen conéisher en concèrt ena cava coperativa en moment dera hèsta dera musica der an 1997.
  • 2000: Prumèr CD, un 4 títols enregistrats en dirècte en Someire en moment d'un hestivau de musica ska.
  • Estiu 2003: Es Goulamas'k participen ena concentracion altermondialista sus eth escenari deth Larzac on se podec enténer a José Bové e a Guy Bedos.
  • Iuèrn 2004: Es Goulamas'k participen ena Caravana Occitana e realizen un torn damb artistes occitans, coma Miquèu Montanaro, en Lengadòc, damb arturada obligada en Puègserguier. Durant eth concèrt de Puègserguier, es espectadors pugen sus er escenari dera Casa dera Vila tà hèr era hèsta damb es artistes dera Caravana Occitana.
  • Composicion deth grop en 2005 Gardarem la Tèrra: Filou ath cant; Fred, cant e guitarra; Renaud, bateria e còrs; Manu, baish e còrs; Machino, guitarrista e còrs; Pierre ara trompeta e Stéphane ath saxo.

Despús d'un movement de musicians laguens deth grop, eth grop en 2010 ei compausat de: Yadou ath trombon/ gralha catalana/ sac de gemec / cant e còrs; Angel ara bateria; Sly baish e còrs; Kdel guitarra e còrs; Jean-Luc ara trompeta e ath Bouzouki e Fred ath cant/ gralhe catalana e autbòi deth Lengadòc e non cau cap desbrembar es que son ath darrèr: Claudie mànager/administratiu e enlumenat; Fredosz sonorizacion e d'auti trabalhs de son; Nathalie damb es disfraci e arts plastiques; Ged encargat de difusion.

Influéncies modificar

Es Goulamas'k prepausen "un ròck acolorit e bolegant". Eth grop a creat un vertadèr mescladís de totes es musiques: ròck, ska, farandola, “peña”, flamenco, hard-rock, punk...

Era musica des Goulamas'k mos pòrte a un ritme ska damb un tòc mès afectat peth solei deth país, que non pas en es isles britaniques. Eth grop ei includit laguens deth grop de grops musicaus occitans coma pòden èster Fabulous Trobadors o Massilia Sound System, era sua musica inspire ua energia mès ritmica qu'es autes, proplèu deth ska-rock e igualment deth ska-punk. N'ei cap extranh de veir espectadors d'un concèrt des Goulamas-k dançar un pogo o tanben hèr bèth “stage-diving per part des musicians. Ua musica mès "violenta" donc, mens ragga qu'es Massilia, e damb tèxtes fòrça reivindicatius. Es Goulamas'k arrefusen era burocràcia parisina, centralista, e son opausats ara França jacobina, damb ua idèa de federacion des regions, tostemp tenguent en compde es cultures locaus, mès sense refusar un mescladís etnic. Es letres de Goulamas'k, coma non podie èster de cap auta manèra son radicalment antifascistes, antiracistes e hènt ua crida ara tolerància e eth respècte pes auti. Goulamas'k non desbremben cap es sues arraïtzes e hèn apologia dera sua cultura: lo papet (laguens de lo Paissèl), eth vin roge deth Lengadòc (laguens de Lo Mòl, lo vin e la vinha en Òc son ligats coma los òmes a la tèrra), era garriga on canten es cigales (laguens Coinçat, Coinçat dins un país entre Tolosa e Marselha al mièg de la garriga al còr d'Occitània[1]), ei Piquetalen, darrèr dera montanha de “Sant-Cristophe” en Puègserguier on eth grop s'amasse soent, e tanben era chichomèia. Es tèxtes deth grop son cantats en diuèrses lengues: er occitan, lengua mairau tostemp fòrça presenta e matritz deth grop, ei era mès utilizada en escèna; es Goulamas'k canten tanben en françés, en catalan e en castelhan.

Hèsta dera musica prematura modificar

 
Goulamas'k ara hèsta dera musica prematura en 2015.

Eth grop (damb era associacion Patatr'Oc) ei tanben enes origens dera Hèsta dera musica prematura que a lòc cada an cap ara fin deth mes de mai en Puègserguier. Petita rectificacion: era associacion Patatr'Oc le kri des cigales siguec creada en 1994 en Puègserguier, en aguesta epòca eth grop non se didie encara Goulamas-k, senon Goulamas damb Mosca, J-kris, Seb, Jérémy e Fred, era K arribèc en 1999. E dempús deth 1994 es diuèrsi musicians an tostemp ajudat ara associacion laguens des sues activitats culturaus.

Aguesta hèsta ei dubèrta a joeni artistes deth país e tanben de dehòra, que compartissen es madeishi gusti musicaus o defenen es madeishi valors altermondialistes. En aguesta hèsta auem podut veir grops coma: Stevo's Teen, Fermin Muguruza deth País Basc, les Suprêmes Dindes, Obrint Pas de Valéncia, La Talvera, Mauresca Fracàs Dub, Pablo Quedad artista de ferralha, la Varda e tanben L'Art à Tatouille. Era edicion deth 26 de mai de 2007 amassèc entre d'auti a Dead Spike e Tusta Bueta.

Eth 24 de mai de 2008, eth programa presentaue a Toubabou, Prémium, Kroska, Zamal (reggae-fusion), Goulamas'k e Camarada Kalashnikov (punk-rock de Barcelona).

Era edicion deth 2009 auec lòc eth 23 de mai, damb Sulfateurs Occitan (balèti), Faits Divers, DJ Mout, Kroska, Goulamas'k et Papa Style & Baldas (raggamuffin), damb Pablo Quedad.

Es membres deth grop an tanben fondat ua fanfara que cree ua polida farandola sus es carrèrs en manifestacions festiues o de carnavals: era Fanfara des Goulamas on es musicians jòguen vestits d'insèctes.

Era naua generacion a montat un espectacle de son, hèr e huec: Los Diables de la Garriga damb era ajuda de Christelle comedianta e musiciana dera Cie Système D; Pablo Quedad escultor sus hèr; Romain membre ex-circ Carapace et Malabar.

Discografia modificar

CD enregistrat en public en hestivau des Skalopards Anonymes, en Someire laguens deth Gard, integrant 4 títols.

CD originau damb era collaboracion des Skalopards Anonymes, e distribuit per Mosaïc Musique.

CD 13 títols (damb un bonus vidèo "Goulamas'k dans tous ses états"), label Patatr'Oc, distribuit per Mosaïc Musique.

CD 12 títols, enregistrament live en 2006 en Brassac, Carcassona e en estudi de l'Usine à Soufre. Distribuit per Mosaic Music.

CD 5 títols.

CD 13 títols (10 inèdits e 3 lives). Label Brennus Music, distribuit per Musea.

CD 19 títols, enregistrament live en 2013. Label Brennus Music, distribuit per Musea.

CD 8 títols, Digipack, autoproduit.

Ligams extèrnes modificar

  1. Parpalhon Blau: "Pas cap d'articles abans lo nom dels païses, levat se pòrta una informacion contextuala"