Florença

Pels articles omonims, vejatz Florença (omonimia).

Florença (Flourènci, Flourènço en nòrma mistralenca;^[1] Firenze en italian) es la capitala de la region italiana de Toscana.

Florença
Firenze

.

Bandièra

Armas

Geografia fisica

Coordenadas

43° 46′ 18″ N, 11° 15′ 13″ E

Superfícia

102 km²

Geografia politica

País

Itàlia

Region

Toscana

Província

Ciutat Metropolitana de Florença

Geografia umana

Populacion
(2014)

380 226 ab.

Autras informacions

Còde postal

50100

http://www.comune.firenze.it

Lo gentilici es florentin, a (mistralian: flourentin)^[1].

La populacion de la ciutat es de 378.236 habitants,^[2] mas en considerant las localitats que l'enròdan, arriba a far una aglomeracion urbana d'aperaquí un milion e mièg d'abitants.

En l'Edat Mejana foguèt un important centre cultural, economic e financièr. Coneguèt la seuna epòca de major esplendor après de l'instauracion del Grand Ducat de Toscana jos la dominacion de la dinastia Medici. Florença es lo nuclèu urban qu'aguèt per origina en la segonda mitat del sègle XIV lo movement artistic e cultural nomenat Renaissença, e es considerada un dels brèces mondials de l'art e de l'arquitectura. Aital, es remarquable per la seuna riquesa arquitecturala e los seus musèus. Son centre istoric foguèt declarat Patrimòni Mondial de l'Umanitat en 1982, amb d'òbras medievalas notablas coma la copòla de Santa Maria del Fiore, lo Ponte Vecchio, la Basilica de Santa Crotz, lo Palazzo Vecchio e de musèus coma l'Uffizi, lo Bargello o la Galaria de l'Acadèmia de Florença, que aculhís lo David de Miquel Àngel.