Èbra

Èbra o Nèbra (Évenos en francés) es una comuna de Provença administrada per lo departament de Var dins la region de Provença-Aups-Còsta d'Azur. La traduccion dau nom dau vilatge d’Èbra (o Nèbra) que fai partida de la comuna es de còps utilizat en francés per tota la comuna.

Èbra
Évenos

Lo vilatge d'Èbra

Armas

Geografia fisica

Coordenadas

43° 10′ 15″ N, 5° 49′ 51″ E

Superfícia

41,95 km²

Altituds
· Maximala
· Mejana
· Minimala

804 m
336 m
78 m

Geografia politica

País

Provença

Estat

França

Region
93

Provença-Aups-Còsta d'Azur

Var

Tolon

Oliulas

CC dau Sud Santa Bauma

Cònsol

Blandine Monier
(2020-2026)

Geografia umana

Populacion
Populacion totala
(2018)

2 423 ab.

Evolucion de la populacion

2 474 ab.

Densitat

51,04 ab./km²

Autras informacions

Còde postal

83330

Còde INSEE

83053

Geografia

Comunas a l'entorn.

Toponimia

Lo nom dau vilatge que dona son nom a la comuna es Évenos en francés, mas localament Nèbre o Èbre, lo premièr pus contemporanèu. Aqueus dos darriers noms son sovent utilizats per designar la comuna e lo gentilici francés es Ébrosiens.

A premiera vista, Evenòs, nom supausat en occitan, sembla un nom diferent de Nèbra o Èbra, mas es pas dificil tanpauc de provar qu'es en realitat lo meme nom. Lo nom que lo TDF dona es Èbro, amb de fòrmas ancianas que son Evenes en vièlh francés, Evenœ en latin, Evena e, bensai una reconstruccion, Evenos en vièlh provençau ^[1] . Dauzat pena un pauc a donar una etimologia, per eu aparentada amb la d'Evaus, mas fornís tanben la fòrma Evena de 1141, que fau legir de segur Èvena o Évena per comprene la seguida. Es donc un proparoxitòn e lo provençau, situat près de l'italian, gardèt aquela classa de mots un pauc pus longtemps que lo lengadocian o lo gascon. Lo nom èra demorat çò qu'èra vèrs lei sègles XIV o XV e la prononciacion venguèt Èveno o Éveno. D'escribas causiguèron d'escriure Eveno (aurián remplaçat bensai la finala per -e se s'agissiá d'un paroxitòn), d'autres ajustèron una -s finala analogica; vaquí Évenos sauvat dins la grafia, mas probable que jamai foguèt pas prononciat ansin.

Es pas aquò l'essenciau, qu'es lo passatge de proparoxitòn a paroxitòn. Se Helena donèt Elna, Èvena o Évena podián pas donar Èvna o Évna : la seguida v + n es estrangièra a la lenga e de prononciacion malaisada. Dins aqueu cas, una rotacizacion de -n- pòsttonica, ajocada après l'accent tonic, règla la question (cf. lo sufixe -ànicum que menèt a -argue). Lo nom auriá pogut se mudar simplament en *Èvra, mas la fragilitat de la posicion après l'accent tonic, la prononciacion encara pus aisida menèron a Èbra. Dins « vau a-n-Èbra », una consonanta permet d'evitar l'iatus, aquela consonanta s'aglutinèt e aquí Nèbra, Nèbre en francés, vengut probablament majoritari, au mens en francés, entre lo sègle XIX (Mistral) e lei sègles XX e XXI, mas lo gentilici francés se mudèt pas en *Nebrosiens. Nèbra o Èbra (lo segond amb la caucion de Mistral), aquò's la sola causida.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dei cònsols successius
Periòde		Identitat	Etiqueta	Qualitat
2014	2026	Blandine Monier	divèrs drecha
març de 2008	2014	Marcel Leguay	divèrs drecha
març de 2001	2008	Raymonde Hugonnier	divèrs senèstra	retirada de dentista
1992	2001	Jean Di Cristofaro
març de 1983	1992	Jules Estienne
1978	1983	Marie Garelli
març de 1971	1978	Louis Marie Pérouse
mai de 1953	1971	Édouard Estienne
	1953
Totas las donadas non son pas encara conegudas.