Compausat inorganic
Lei compausats inorganics son lei compausats quimics estudiats en quimia inorganica. Son generalament definits en oposicion ai compausats organics que son considerats coma l'ensemble dei substàncias formadas d'una esquelèta de carbòni e d'idrogèn. Sovent, lei compausats inorganics intègran un ò mai d'un atòm metallic dins son estructura. Au començament dau sègle XXI, aperaquí un milion de compausats inorganics èran estats identificats (còntra sèt milions de compausats organics[1]). Pasmens, en causa dau caractèr arbitrari dau destriament entre quimia organica e quimia inorganica, de compausats intermediaris entre lei dos domenis existisson (organometallics...)[2].
