Compausat organic
Lei compausats organics son lei compausats quimics estudiats en quimia organica. Correspòndon istoricament ai substàncias formada per leis organismes vivents mai, dempuei lo sègle XIX, es possible de'n sintetizar una part importanta. Quimicament, lei compausats organics son de substàncias amb una esquelèta principalament constituïda de carbòni, d'idrogèn, d'oxigèn e d'azòt mai es possible de trobar d'autreis atòms. Au començament dau sègle XXI, aperaquí sèt milions de compausats organics èran estats identificats (còntra un milion de compausats inorganics[1]). Pasmens, en causa dau caractèr arbitrari dau destriament entre quimia organica e quimia inorganica, de compausats intermediaris entre lei dos domenis existisson (organometallics...)[2].
