Canon d'assaut

Un canon d'assaut es un tipe de canon automotor. Es format d'un quadre de veïcul blindat, generalament un quadre de carri, e d'una pèça d'artilhariá. Aqueu concèpte èra destinat a provesir un sostèn d'artilhariá dirècte sus lo prat batalhier a l'infantariá.

Canon d'assaut alemand StuG III.

IstòriaModificar

Imaginat per leis Alemands e lei Sovietics a la fin deis ans 1930, lo canon d'assaut foguèt fòrça desvolopat e utilizat per totei lei camps durant la Segonda Guèrra Mondiala. D'efiech, la poissança de fuòc de son canon li permetiá d'atacar lei fortificacions e lei blindats enemics, compres lei carris[1]. D'exemples de canons d'assaut son lo StuG III alemand e sei variantas e lei veïculs sovietics dei serias SU e ISU (SU-76, SU-122, SU-152...). Dins lo camp aliat, la preferéncia foguèt puslèu donada au desvolopament de versions « canon d'assaut » dei carris equipant lei divisions blindadas (Churchill AVRE, Sherman M4A3...) mai i aguèt tanben de creacions especificas coma lo M8.

Après 1945, lo desvolopament dau carri de combat principau demeniguèt l'interès dau canon d'assaut. Pasmens, lei modèls construchs foguèron gardats en resèrva ò venduts a de país aliats. Lo StuG III demorèt ansin fòrça utilizat fins ais ans 1970 per leis armadas aràbias[2]. En URSS, foguèt concebut l'ASU-85 qu'intrèt en servici en 1959 dins lei tropas aeroportadas e foguèt utilizat en Afganistan. Foguèt retirat dau servici en 1993 mai quauqueis exemplaris son totjorn utilizats per l'armada vietnamiesa. Ais Estats Units, lo M551 Sheridan (1967) sembla fòrça a un canon d'assaut mai es classat coma carri leugier. De mai, sa complexitat entraïnèt son retirament en 1996. Enfin, durant la Guèrra Freja, Suècia desvolopèt de canons d'assauts coma l'Ikv 72 e l'Ikv 91. Dins leis ans 1990-2000, aquelei veïculs foguèron venduts ò convertits per assegurar d'autrei missions.

AnnèxasModificar

Liames intèrnesModificar

BibliografiaModificar

Nòtas e referénciasModificar

  1. En causa d'aquela polivaléncia, la diferéncia entre canon d'assaut e caçaire de carris es pas totjorn simpla e varia segon leis autors.
  2. (en) Stevan Zaloga, « Strangers In a Strange Land: Early Syrian Armor 1948-56 », Museum Ordnance, vol. 5, n°4, 1995, pp. 5-6.