Wikipèdia

Barry Lyndon


Barry Lyndon es un filme istoric anglo-american de Stanley Kubrick sortit en 1975 e adaptat de roman picaresc de William Makepeace Thackeray, The luck of Barry Lyndon.

Lo filme conta lo destin d'un jòve intrigaire irlandés sens sóus, Redmond Barry (Ryan O'Neal), de son ascension sociala facha d'audàcia e de perversitat dins la fastuosa societat anglesa del sègle XVIII fins a sa descasença, aprèp que se maridèsse amb una rica lady (Marisa Berenson) que li portèt una fortuna considerable e li balhèt un filh.

Sinòpsi

modificar

Lo filme se divisís en doas partidas:

  • By What Means Redmond Barry Acquired the Style and Title of Barry Lyndon (« Comssí Redmond Barry a aquiguèt l'estil e lo títol de Barry Lyndon »)

Al sègle XVIII, en Irlanda, lo paire de Redmond Barry es tuat en duèl per causa d'una garròlha al subjècte de la compra d'un caval. Sa veusa (Marie Kean), refusa totas las ofèrtas de maridatge per se consacrar sonque a l'educacion del seu filh unic.

Barry s'enamòra de sa cosina Nora (Gay Hamilton) que lo sedusís. Mas quand John Quin, un ric capitani anglés, la corteja, sa cosina abandona Barry qu'aviá pas d'argent. Nora e sa familha complòtan per sortir de la pauretat per un maridatge avantatjós. Barry refusa la situacion e tua Quin en duèl.

Barry fugís cap a Dublin, mas se faguèt raubar per un bandit estradièr, lo capitani Feeney (Arthur O'Sullivan), que li rauba son caval, son argent e tot son equipament. Romput e sens sóus, s'engatja dins l'armada britanica coma simple soldat. Lo rejonh dins son regiment un amic de la familha, lo capitani Grogan (Godfrey Quigley) que l'informa que Quin foguèt pas tuat, son pistolet essent cargat d'una inofensiva bala d'estopa. Lo duèl foguèt falsat per forçar Barry a s'alunhar per que sa cosina pòsca se maridar amb Quin e restaurar atal la fortuna familhala. Per pragar son silenci, Grogan recebèt de la familha de Nora una granda soma d'argent, que prepausa de partejar amb Barry. Lo regiment de Barry es enviat combatre los Franceses sul continent. Es lo començament de la Guèrra de Sèt Ans. Grogan es ferrit a mòrt pels Franceses, ara sol Barry decida de desertar. Rauba a un oficièr son unifòrme, un caval, de papèls d'identitat e un òrdre de desplaçament. Sul camin cap a Olanda, país reputat neutre, encontra un capitani prussian Potzdorf (Hardy Krüger), que lo desmascara. Lo capitani li ofrís la causida o d'èsser fusilhat, o de s'engatjar dins l'armada prussiana. Barry ven alara simple soldat, aquel còp dins l'armada prussiana de disciplina fòrça dura. Pendent una batalha, salva la vida de Potzdorf, ferrit per un tir d'artilheriá.

Aprèp la fin de la guèrra en 1763, Barry demòra al servici del capitani Potzdorf. Aquel lo presenta a son oncle, ministre de la polícia prussiana, que li ordona de se plaçar coma servicial del cavalièt de Balibari (Patrick Magee), un jogaire professional irlandés. Los Prussians lo suspèctan d'èsser un espion e Barry deu menar des pròvas. Un còp amb lo cavalièr, Barry avoa l'estratagèma (dins lo roman, aquela avoacion es facilitada per que Barry reconéis dins lo cavalièr lo seu oncle) e s'associan per trichar a de jòcs de cartas. Lo cavalièr devent èsser expulsat de Prussa, se reglan per que Barry tanben pòsca fugir de Prussa. Barry e lo cavalièr anèron per totas las corts d'Euròpa per viure de lor gaubi al jòc. Barry desfia totes los debitors en duèl. Son abiletat per las armas asseguran lo pagament dels mai reguitnets.

Prenent consciéncia qu'aquela vida lo mèna enluòc, Barry decidís de se maridar amb una rica aristocrata. la bèla e fòrt rica comtessa de Lyndon (Marisa Berenson) qu'aguèt pauc de dificutat a la seduire. Aprèp que son espós vièlh, Sir Charles Lyndon, defunta, se maridan.

  • Containing an Account of the Misfortunes and Disasters Which Befell Barry Lyndon (« Ont se fa lo compte dels malastres e desastres que tombèron sus Barry Lyndon »)

Barry ven lo calinhaire, puèi l'espós de lady Lyndon, rica e bèla jova femna (que lo vièlh espós, vengut depressiu morrís de despièch en coneisser de l'adultèri). Aprèp son maridatge en 1773, Barry pren lo nom de la comtat de Lyndon e s'installa en Anglatèrra per profechar de sa fortuna. Redmond Barry ven Barry Lyndon mas lo destin lo fará tombar. Pr'amor qu'es lord Lyndon, dispausa pas de fortuna personala. Lo filhastre, lord Bullingdon, filh de Sir Charles e vièlh de 10 ans, l'òdi e lo vei coma un vil oportunista que prenguèt la plaça de son paire e que dilapida la fortuna famihala. Barry Lyndon lo castiga plan sovent. Lo maridatge es un fracas. La comtessa enfanta Bryan Patrick. Barry despensa l'argent de sa femna e la fa malurosa en la daissant sola a l'ostal per s'ocupar dels enfants. Mai tard li torna lo sen e s'excusa prèp d'ela.

D'ans mai tard, la maire de Barry ven viure amb el. Se rend compte de la precaritat de la posicion sociala de son filh. Se lady Lyndon moririá, la fortuna familhala anariá a son filh, lord Bullingdon (qu'es ara gojat, (Leon Vitali)) e daissariá Barry sens sòus. La maire de Barry insistís per qu'obtenga un títol nobiliari per s'aparar d'aquela situacion. Se met en relacion amb l'influent lord Wendover (André Morell) despensant fòrça argents per aténher l'objectiu. Totes los esfòrces son van. Lo jorn de l'aniversari de lady Lyndon, lord Bullingdon proclama son òdi contra lo pairastre e aquel lo castiga davans l'assemblada compausada d'invitats fòrça importants. Aprèp, lord Bullingdon quita sa familha e l'Anglatèrra per une destinacion desconeguda. La crudeltat en public de Barry contra lo filhastre li fa perdre totas ajudas dins la nauta societat, malgrat totes los esfòrces per s’integrar socialament.

Tan mal que tracta son filhastre, tan es bon paire e compatissent amb son filh Bryan, amb que passa tot son temps. Mas, le jorn precedent son noven aniversari, lo mainatge es desarçonat d'un caval e ne morrís. Fòl de lanha, Barry sombra dins l'alcoolisme, alara que lady Lyndon tròba son reconfòrt dins la religion amb excés, assistada pel reverend Samuel Runt (Murray Melvin), tutor de lord Bullingdon puèi de Bryan. Mas, la maire de Barry remanda lo reverend, subretot perque a pas mai besonh de tutor e que l'influéncia d'aquel sus lady Lyndon la considerava coma nefasta. s'enfonza encara mai dins lo desesper, ensaja de se suicidar. Al corrent de las nòvas darrièras, lord Bullingdon torna en Anglatèrra e desfia Barry en duèl.

Dins la granja ont se passa lo duèl, lo tiratge al sòrt dona a lord Bullingdon lo privilègi de tirar en primièr. Lo pistolet se desenclava de biais imprevist. Barry, de biais volontari e magnanime, tira a sòl. Mai lord Bullingdon refusa d'arrestar lo duèl. Fa fuòc encara un còp, son tir tòca la camba de son adversari. Barry deu èsser amputat jol genolh.

Pendent la convalescéncia de Barry, lord Bullingdon pren lo contraròtle de son patrimòni. Envia son comptable e emissari Graham (Philip Stone) dins l'ostalet, ont Barry recuperava, per li far una ofèrta. Lord Bullingdon garantís una renda annadièra de 500 guinèas a vida se quita l'Anglatèrra e acaba lo maridatge amb lady Lyndon, senon sa renda e son compte en banca serán anullats e que los debitors se manifestarán per qu'acabe en prison. Romput psicologicament e fisicament, Barry accepta l'ofèrta. S'ana en Irlanda amb sa maire, puèi viatja pel continent europèu tornant jogaire professionaal, mas sens lo succés d'antan. Pus jamai vesiá lady Lyndon. La scèna finala, en 1789, mòstra lady Lyndon, vielhissenta, signant lo chèc de la renda de Barry jos l'agach de lord Bullingdon.

Epilòg: « It was in the reign of King George III that the aforesaid personages lived and quarreled ; good or bad, handsome or ugly, rich or poor, they are all equal now. » (« Foguèt jol reialme del rei Georges III que los precitats personatges visquèron e se querellèron; bons o marrits, bèls o laids, rics o paures, son totes egals ara. »).

Ficha tecnica

modificar

Distribucion

modificar

Prèmis

modificar

obtenguts

modificar

Nominacions

modificar
  • Oscars 1976: Melhor filme, Melhor realisator e Melhor scenari adaptat
  • BAFTA 1976: Melhor filme, Melhora direccion artistica, Melhors costumes
  • Golden Globes 1976: Melhor film edramatic, Melhor realizator
  • César 1977: Melhor filme estrangièr

Produccion

modificar

Scenari

modificar

Dins son adaptacion del roman de Thackeray, Kubrick apondèt qualques elements coma la discussion entre los dos oficièrs anglés omosexuals e lo darrièr duèl de Barry amb son filhastre.

Ròtle del narrator

modificar

Kubrick utiliza la narracion dempuèi los primièrs filmes (coma The Killing o Lolita ). Dins Barry Lyndon, permet a Kubrick de limitar los dialògs entre los diferents protagonistas, de precisar los luòcs e las datas, mas l'utiliza tanben per contradire los imatges. Tanben permet a Kubrick d'anonciar los moments importants de l'intriga per refortir l'aspècte « inevitable » de çò que se deu passar[1].

Al contrari del roman qu'es a la primièra persona, lo contaire dins lo filme utiliza la tresena persona. Kubrick pensava que dins lo libre, la primièra persona aviá per tòca de presentar los fachs reals de biais desformat. Segon el, un filme mostrant una realitat objectiva contada per un eròi de biais falsificat podava èsser pas qu'una comèdia, çò que volgava pas[2].

Benda originala

modificar

Al contrari delss filmes precedents, Kubrick causiguèt de musicas de l'epòca e non pas una particion originala. «Dins 2001, utilizèri Ligeti, compositor contemporanèu. Mas se volèm utilizar de musica sinfonica, perque o demandar a un compositor que evidentament pòt gaire rivalizar amb los grands musicians del passat? E es una tala escomesa que de comandar une particion originala. Es totjorn facha al darrièr moment, e se vos conven pas, avètz pas lo temps de ne cambiar. Mas quand la musica conven a un filme, li apond una dimension que ges d'autre poiriá i balhar. Es de tota primièra importància»[3].

La benda originala mèscla doncas folclòre irlandés (jogat per The Chieftains) e musica classica, que:

Kubrick explica: «Voliái m'arrestar exclusivament a la musica del sègle XVIII pr'amor qu'exitís pas de règla dins lo domèni. Cresi ben qu'ai a çò meu tota la musica del sègle XVIII enregistrada sur microsillons. Ai tot escochat amb fòrça attencion. Malurosament, s'i trapa pas gaire de passion, res que, mèsme de luènh, pòsca evocar un tèma d'amor; a ges dins la musica del sègle XVIII qu'aja lo sentiment tragic del Trio de Schubert. Acabèri per trichar de qualques ans causissent una pèça eescricha en 1814. Sens èsser absoludament romantica, a pasmens quicòm de romanesc tragic»[3].

Accuèlh

modificar

Se Barry Lyndon foguèt saludat coma un filme d'una granda beutat visuala, foguèt un escac comercial dins los païses anglosaxons. Kubrick foguèt subretot tocat pel fach que son trabalh de retranscripcion de l'estetica del sègle XVIII foguèt pas acculhit amb entosiasma. En Euròpa, al contrari, lo filme coneguèt un succés, coma en França, en Alemanha, en Itália e en Espanha.

Bibliographie

modificar
  • (fr)Lara Fitzgerald & Christopher James Keep: Barry Lindon démembré : La Perte de l’histoire dans le film de Stanley Kubrick, periodic: Cinémas : Revue d'étude,vol 4, n°1, 1993 [1]
  • (fr)Michel Ciment in Kubrick, Calmann-Lévy, ed:Calmann-Lévy, 15 de setembre de 2004 328p, ISBN 978-2702135181
  • (fr) Emile Baron, L'« aglorification » du héros; Cadrage.net [2]

Notas e referéncias

modificar
  1. ↑ Ciment 2004, p. 170
  2. ↑ Ciment 2004, p. 167
  3. ↑ 3,0 et 3,1 Stanley Kubrick in Ciment 2004
Recuperada de « https://oc.wikipedia.org/w/index.php?title=Barry_Lyndon&oldid=2282679 »