Banhòus
|
Vila d'Occitània | 
|
Banhòus (Bagnols-en-Forêt en francés) es una comuna provençala situada dins lo departament de Var e la region de Provença-Aups-Còsta d'Azur.
|
Banhòus
Bagnols-en-Forêt | ||
|---|---|---|
 | ||
| ||
| ||
| Geografia fisica | ||
| ||
| Coordenadas | 43° 32′ 17″ N, 6° 41′ 52″ E | |
| Superfícia | 42,9 km² | |
| Altituds · Maximala · Mejana · Minimala |
561 m 270 m 56 m | |
| Geografia politica | ||
| País |  Provença | |
| Estat |  França | |
| Region 93 |
Provença-Aups-Còsta d'Azur | |
| Departament 83 |
Var  | |
| Arrondiment 831 |
Draguinhan | |
| Canton 8313 |
Ròcabruna d'Argenç (Frejús avans 2015) | |
| Intercom ZZZZZZZZZ |
CC dau País de Faiença | |
| Cònsol | René Bouchard (2020-2026) | |
| Geografia umana | ||
| Populacion Populacion totala (2018) |
2 830 ab.  2 888 ab. | |
| Densitat | 61,26 ab./km² | |
| Autras informacions | ||
| Gentilici | Bagnolais (en francés) | |
| Còde postal | 83600 | |
| Còde INSEE | 83008 | |
.svg)
Situat a l'èst dau departament au nòrd de Frejús e a proximitat dau limit deis Aups Maritims, Banhòus es un vilatge situat dins una region ondulada cubèrta de seuvas. Lo clima es mediterranèu amb d'estius eissuchs e cauds e d'ivèrns doç e umides. Lo vilatge es de còps tocat per lo mistrau mai es puslèu expausat au siròc e au levant que passan per la vau d'Argenç per intrar dins lei tèrras. L'abitat li es tradicionalament dispersat mai existisse un pichon centre istoric.
D'efiech, l'endrech es poblat dempuei l'Antiquitat coma l'atèstan lei rèstas d'un oppidum. Après l'agrandiment dau pòrt de Frejús durant lo rèine de l'emperaire August, de colons romans venguèron s'installar dins la region car Frejús èra encara considerat coma tròp palunós. De documents mencionan l'existéncia dau vilatge en 909. Foguèt destruch en 1392 per lei tropas de Ramon de Turena. La construccion comencèt en 1477 a l'iniciativa de l'evesque Urbano de Flisco. Lei recensaments demografics menats dempuei la Revolucion mòstran una populacion establa de 1790 a 1880 (en 750 e 1 000 estatjants). Puei, declinèt durant l'exòde rurau per agantar un minimom de 445 abitants après la Segonda Guèrra Mondiala. La situacion se melhorèt lentament fins ais ans 1960 que marquèron lo començament d'una creissença demografica regulara dins lo quadre de la periurbanizacion e de l'installacion de retirats en Provença maritima. Èra de 2 889 abitants en 2020.
Lo vilatge a un patrimòni environamentau important, compausat d'una seuva mediterranèa. Lei Gòrgas de Blavet, un riu que si gita dins Argenç, presentan tanben un certan interès. Lo patrimòni istoric es fach dei roïnas de l'oppidum de la Fortalesa e d'una produccion de mòlas que durèt de l'Antiquitat a la destruccion de la fin dau sègle XIV. Lei traças dau lac de la restanca de Maupasset arriban pereu sus lo territòri comunau.
-
Gòrgas de Blavet -
Barri de l'oppidum de la Fortalesa -
Mòlas de pèira -
Capèla dau sègle XI -
Lo vilatge en 2007
Veire tanben
modificarNòtas e referéncias
modificar
