Banca Europèa d'Inverstiment

La Banca Europèa d'Inverstiment (BEI) es una institucion e l'organ financièr de l'Union Europèa (UE). Foguèt creada amb los Tractats de Roma en 1957 e lo sèti es dins la vila de Luxemborg, manten de delegacions dins de vilas coma Brussèlas, París, Roma, Atenas, Berlin, Lisbona, Londres, Madrid o Lo Caire. A per mission de contribuir al desvolopament equilibrat del territòri comunautari mejans l'integracion economica e la coesion sociala.

Banca Europèa d'Inverstiment (Luxemborg)

Los accionaris de la BEI son los Estats que compausan l'Union e es dirigida pel conselh dels Governaires, compausats dels ministres d'Economia d'aqueles Estats. Fòra del seu camp d'accion dirècte la BEI ajuda las estrategias de preadmission dels païses candidats la dintrada dins l'Union e aplica la partida financièra dels acòrdis de las politicas europèas d'ajuda e cooperacion al desvolopament. Aquela institucion autreja un credit total de 43 000 000 000 € cada an, e gaudís d'una situacion financiara melhora qu'aquela de Banca Mondiala. La BEI concedís pas de finançament general a un Estat, mas sonque cofinança de projèctes concrèts.

Presidents de la BEI

Mandat	President	Estat
1958–1959	Pietro Campillli	Itàlia
1959–1970	Paride Formentini	Itàlia
1970–1984	Yves Le Portz	França
1984–1993	Ernst-Günther Bröder	Alemanha
1993–1999	Brian Unwin	Reialme Unit
2000–2011	Philippe Maystadt	Belgica
2012–ara	Werner Hoyer	Alemanha

Ligams extèrnes

• (en) Portal de la BEI