Armons e lo Cau

Armons e lo Cau^[1]^,^[2] o Armós e lo Cau^[3]^,^[4] o Armóns e lo Cau ^[5] (sic) (Armous-et-Cau en francés) qu'ei ua comuna gascoa d'Occitània situada dens lo departament de Gers e la region d'Occitània, ancianament de Mieidia-Pirenèus.

Armons e lo Cau
Armous-et-Cau

La glèisa de Sent Martin deu Cau, sus la RD 646.

Geografia fisica

Coordenadas

43° 34′ 27″ N, 0° 11′ 27″ E

Superfícia

9,33 km²

Altituds
· Maximala
· Mejana
· Minimala

279 m
250 m
152 m

Geografia politica

Gasconha

França

Miranda

Pardiac-Ribèra Baisha, ancianament de Montesquiu

Intercom
243200425

Comunautat de comunas Còr d'Astarac en Gasconha

Cònsol

Jean-Jacques Solans
(2014-2020)

Geografia umana

Populacion
Populacion totala
(2018)

88 ab.

Evolucion de la populacion

89 ab.

Densitat

10,61 ab./km²

Autras informacions

Còde postal

32230

Còde INSEE

32009

Geografia

Comuna de Gasconha situada en Armanhac dens lo vinhau deus Costalats de Sent Mont sus l'Auzoa e lo Midor.

L'ostau de comuna qu'ei au Cau, o a costat (i a pas d'aglomeracion vertadèra). Armós sembla qu'a dispareishut. Quauques ostaus modèrnes au Cau, qui profitan de las vistas.

Perimètre deu territòri

Comunas confrontantas de **Armós e lo Cau**
Aus Litges		Gasatz e Vacarissa
Cortias		Bassoas
Tordun	Siurac e Florés	Mascaràs

Toponimia

Armo(n)s. Pas d'informacions. Probablament pas èrm + sufixe -ós > *Armós. L'n de la grafia deu Conselh Generau i es pas per azard.
Lo Cau. Pas d'informacions. Que sembla lo resultat de cavum, « clotut, curat », mès a quin sens ? Lo lòc qu'es sus ua cima.

Istoria

Au sègle XVIII, Armós e Lo Cau qu'èran senglas parròpias ^[6]. Armós qu'èra au sud-oèst (au sud de Haure, aquí que sus la mapa i a un cementèri, e Lo Cau meilèu au nòrd-èst. La formacion de la comuna que data d'avant 1794, per fusion énter Armós e Lo Cau ^[7], probable que cada comunautat estó jamèi ua comuna separada.

Administracion

Lista deus cònsols successifs
Periòde		Identitat	Etiqueta	Qualitat
2014	2020	Jean-Jacques Solans	divèrs dreta	agricultor
2001	2014	Jean-Paul Doubrère	divèrs dreta
	2001
Totas las donadas non son pas encara conegudas.

Avant la refòrma cantonala de 2014, aplicada en 2015, la comuna qu'èra deu canton de Montesquiu ; qu'es adara deu canton de Pardiac-Ribèra Baisha (burèu centralizator : Plasença).