Dobrir lo menú principal

Leis amorritas son un pòble antic aparegut en Mesopotamia dins lo corrent dau millenari III avC. Èran probablament originaris de la Peninsula Aràbia e migrèron en direccion de la Siria actuala puei dei vaus d'Eufrates e de Tigris onte se turtèron ais estats locaus. Aguèron un ròtle important dins l'afondrament de la Tresena dinastia d'Ur a la fin dau sègle XXI avC e s'impausèron coma la premiera fòrça de la region au sègle XX avC. Adoptèron rapidament la cultura locala.

I conquistèron la màger part dei ciutats-estats e installèron de dinastias rivalas a Larsa, Isin, Uruk, Babilònia, Eshnunna, Ekallatum, Alèp, Mari e Qatna. D'autre part, certanei tribús gardèron una vida nomada en Mesopotamia. Aquela division favorizèt lei conflictes e unei guèrras se debanèron entre aquelei ciutats fins a l'establiment de la dominacion d'Alèp a l'oèst e de Babilònia a l'èst. Pasmens, de revòutas regularas acomencèron d'afeblir lei dinastias amorritas a partir dau sègle XVII avC. Puei, l'arribada de pòbles nomadas novèus e aggressius dins la region (Ititas, Kassitas...) agravèt lei menaças còntra lei dinastias amorritas que s'afondrèron a la fin dau sègle. La conquista de de Babilònia per lei Kassites en 1595 es generalament considerada coma la fin dau periòde amorrita.

Liames intèrnesModificar

Nòtas e referénciasModificar