Agòs e Vidalòs

Agòs e Vidalòs^[1] (Agos-Vidalos en francés) qu'ei ua comuna gascona de Bigòrra, en Lavedan, ena estrema de Salas, situada dens eth departament deths Hauts Pirenèus e era region d'Occitània, ancianament de Mieidia-Pirenèus.

Agòs e Vidalòs
Agos-Vidalos

Eth vilatge de Vidalòs.

Armas

Geografia fisica

Coordenadas

43° 02′ 16″ N, 0° 04′ 14″ O

Superfícia

6,11 km²

Altituds
· Maximala
· Mejana
· Minimala

1 360 m
440 m
391 m

Geografia politica

Gasconha

Lavedan

França

Era Vath deths Gaves (Argelèrs de Gasòst avant 2015)

Intercom
246500631

CC deths Pirenèus Vaths deths Gaves

Cònsol

Jean-Marc Abbadie
(2020-2026)

Geografia umana

Populacion
Populacion totala
(2018)

407 ab.

Evolucion de la populacion

417 ab.

Densitat

67,27 ab./km²

Autras informacions

Eths crabèrs d'Agòs

65400

Geografia

Comunas a l'entorn.

Toponimia

Agòs

Era prononciacion qu'ei [a'gòs] (grafia fonetica deths autors). Eras fòrmas ancianas que son : Raimundo de Gos, en1037 o cap a 1040, de Goss cap a 1050-1070, de Gos cap a 1083-1105, de Goz cap a 1105 e cap a 1143, entro Agos cap a 1200-1230, A Gos, Agos en 1285 e 1313, de Agossio, en latin en 1379, Aguos, Agos, en 1429^[2].

Segon Dauzat, Agòs que vien deth nom latin d'òmi Aco, Aconis, dab eth sufixe aquitan -ossum ^[3].

Negre, citat per Miquèu Grosclaude, qu'explica Agòs per eth nom gallic d'òmi Aca, dab eth sufixe aquitan -ossum. R. Aymard, tanben citat per M. Grosclaude, qu'explica Agòs per (A)gots, « eth vilatge deths Gots »^[2]

Segon Miquèu Grosclaude et alii, que caleré era marca de t dens eras fòrmas ancianas per justificar era ipotèsi d'Aymard. Com eth A- iniciau ei pas d'origina, eras ipotèsis de Dauzat e Negre non son validas. Eth nom qu'ei escur^[2].