Youssou N'Dour

Youssou Madjiguène N'Dour (en wolòf: Yuusu Nduur; Dakar, 1 d'octobre de 1959) es un cantaire, musician, percussionista e compositor senegalés.

Youssou N'Dour en 2011, amb Le Super Étoile de Dakar, al TFF Rudolstadt

Biografia

Comencèt a se far conéisser mondialament gràcias al musician anglés Peter Gabriel que cantèron en duo la cançon "Shakin' the tree". En França venguèt pro conegut tre 1989, quand sortiguèt son quatren album The Lion. Malgrat tot, sa notorietat èra pro limitada fins a 1994 quand arribèt sa consagracion sus la scena internacionala gràcias a la cançon "7 Seconds" cantada en duo amb la cantaira suedesa Neneh Cherry.

Dempuèi aquel temps sa popularitat s'es consolidada gràcias tanben a sa collaboracion amb d'autres artistas prestigioses internacionalament, coma Sting, Bruce Springsteen, Manu Dibango o Alan Stivell.

En 2004, la revista Rolling Stone afirmèt que Youssou N'Dour èra "probablament lo mai famós dels cantaires contemporanèus" dins una granda part del continent african. Lo ròtle del musician wolòf es estat considerable dins lo desvolopament de la musica populara senegalesa coneguda jol nom de mbalakh.

Es actualament ministre de Cultura e Torisme de Senegal dempuèi lo 4 d'abril de 2012 dins lo govèrn d'Abdoul Mbaye.

Discografia

N'Dour en 2010 al Festival de Cornoalha a Quimpèr

• Bitim Rew (1984)
• Nelson Mandela (1986)
• Immigrés (1988)
• The Lion (1989)
• Set (1990)
• Eyes Open (1992)
• The Guide (Wommat) (1994)
• Gainde – Voices from the Heart of Africa (1995)
• Djamil (1996)
• Inédits 84-85 (1997)
• Special Fin D'année Plus (1999)
• Lii (2000)
• Joko: From Village To Town (2000)
• Joko: The Link (2000)
• Rewmi (2000)
• Le Grand Bal (2000)
• St. Louis (2000)
• Le Grand Bal à Bercy (2001)
• Ba Tay (2002)
• Nothing's In Vain (2002)
• Youssou N'Dour and His Friends (2002)
• Kirikou (2004)
• Egypt (2004)
• Alsaama Day (2007)
• Rokku Mi Rokka (2007)
• Special Fin D'année : Salegne-Salegne (2009)
• Dakar - Kingston (2010)
• Mbalakh Dafay Wakh (2011)

Referéncias

<references>