Neneh Marianne Karlsson Cherry, mai coneguda coma Neneh Cherry (Estocòlme, 10 de març de 1964) es una cantaira, compositora, musiciana de rap e DJ suedesa. Sa musica qu'a per basa lo hip-hop es un barreja amb mantuna autra influéncies musicala. Aguèt un primier succès house hip-hop en 1989 au Reialme Unit (e un pauc de resson tanben aus Estats Units) amb lo tròç "Buffalo Stance" produch per Bomb the Bass, mentre qu'en Occitània se faguèt mai coneisser a-n'aquesta epòca per la balada "Manchild", puèi devenguèt famosa mondialament en 1994 quand interpretèt la cançon "7 seconds" amb lo cantaire senegalès Youssou N'Dour.[1]

Neneh Cherry en junh de 2008

Biografia modificar

Neneh Cherry nasquèt a Estocòlm en 1964 dins una familha d'artistas. Son paire, Amahdu Jah es un bateire sierraleonés e sa maire, Monica Karlsson tanben coneguda coma Moki Cherry, es un pintora e artista textila. A mai, son pairastre èra Don Cherry, un musician de jazz american que l'abaliguèt dempuèi la naissença e que ne prenguèt lo nom d'ostal. Del costat de son paire es mièja-sòrre de la cantaira Titiyo e del productor de disques Cherno Jah mentre que del costat de sa maire, es la mièja-sòrre del musician Eagle-Eye Cherry.

Quand èra pichoneta la familha de Cherry viviá dins una comunitat hippie, situada a l'exterior del vilatge de Hässleholm. Mai tard partiguèron totes cap al Reialme Unit e s'installèron a Pudsey, un vilatge anglés. A la debuta de las annadas 1970, emigrèron cap als Estats Units e demorèron a Nòva York. Quand aviá 14, Neneh Cherry abandonèt l'escòla e anèt viure a Londres.

Discografia modificar

  • Raw Like Sushi (1989)
  • Homebrew (1992)
  • Man (1996)
  • Neneh Chérie Remixes (1997)
  • The Cherry Thing (2012)

Referéncias modificar

  1. https://www.chartsinfrance.net/actualite/news-75615.html