Bruce Springsteen
|
Bruce Springsteen
| |
|---|---|
| |
Bruce Springsteen
| |
| Naissença | 23 de setembre de 1949 Long Branch, Nòva Jersei |
| País d’origina |  Estats Units
|
| Profession(s) | Autor-compositor-interprèt |
| Genre(s) | Musica rock Musica fòlk Musica acostica |
| Instrument(s) | Cant, guitarra, harmonica, piano |
| Annadas activas | 1972 a uèi |
| Labèl(s) | Columbia |
| Site Web | brucespringsteen.org |
| Entoratge | Patti Scialfa, Roy Bittan, Steven Van Zandt |
Bruce Frederick Joseph Springsteen (Long Branch, 23 de setembre de 1949) es un cantaire de rock e autor-compositor american. Es famós per sas prestacions amb son grop, lo E Street Band. Escaissat "The Boss", Springsteen es mai que mai conegut per sas paraulas poeticas, ont es descrita la vida de la classa obrièra americana, en particular de Nòva Jersei ont es nascut, amb de còps que i a un aspècte pus politic. Sas performàncias scenicas son famosas per èsser longas e energicas, amb de concèrts donats dempuèi las annadas setentas fins a uèi, de mai de tres oras de long.
Biografia
modificarSpringsteen es nascut lo 23 de setembre de 1949, al Monmouth Medical Center de Long Branch, Nòva Jersei. Passèt son enfància a Freehold, una vila vesina. Demorava dins la South Street e frequentava la Freehold Borough High School. Son paire, Douglas Frederick Springsteen, èra d'aujòls olandeses e irlandeses e trabalhava coma menaire de bus, entre autras, mas èra sovent sens emplec. Springsteen diguèt qu'èra que mai sa maire, Adele Ann (nascuda Zerilli), que ganhava lo pan. Sa maire èra secretària e es d'origina italiana. A doas sòrres pus jovas, Virginia e Pamela. Son grand mairal èra nascut a Vico Equense, una vila al ras de Nàpols. Emigrèt per Ellis Island e quora arribèt, sabiá pas legir ni escriure. Finalament, venguèt avocat çò qu'impressionèt Bruce quora èra pus jove.
Lo nom de familha de Springsteen es topografic e d'origina neerlandesa. Los Springsteens fasián partit de las primièras familhas neerlandesas que s'installèron dins la colonia de New Netherland dins los ans 1600 .
Avalit dins un mitan catolic, Springsteen frequentèt l'escòla de Santa Ròsa de Lima dins lo borough Freehold, ont èra en desacòrd amb las religiosas e regetèt las restriccions que li èran impausadas. Dins una interview de 2012, expliquèt qu'èra mai son educacion catolica qu'aviá influenciada sa musica que non pas l'ideologia politica.
Springsteen creissèt en escotant a la ràdio Frank Sinatra, cantaire de Nòva Jersei. Venguèt el meteis interessat a èstre musician quora, en 1956 e 1957, a l'atge de set ans, vegèt Elvis Presley a l'emission Ed Sullivan Show. Pauc de temps après, sa maire li loguèt una guitarra per 6 $ la setmana.
En novena annada, Springsteen comencèt de fréquentar l’escòla publica Freehold High School, mas i trapèt pas sa plaça. D'ancians professors declarèron qu'èra "un solitari, que voliá pas rès autre que jogar de guitarra". Obtenguèt son diplòma en 1967, mas se se sentèt tant a malaise qu'anèt pas a la ceremonia. Frequentèt brevament Ocean County College, mas abandonèt sos estudis.
Apelat a la conscripcion dins l'armada dels Estats Units a l'atge de 19 ans, capitèt pas l'examen medical e serviguèt pas durant la guèrra de Vietnam.
Carrièra
modificar1964–1972: Primièrs ans
modificarEn 1964, Springsteen vegèt las aparicions dels Beatles a l'Ed Sullivan Show. Inspirat, se crompèt la primièra guitarra al magasin Western Auto Appliance al prètz de 18,95 $. A la fin de 1964, la maire de Springsteen faguèt un manlèu per li crompar una guitarra Kent à 60 $. Springsteen comemorèt puèi aquò dins la cançon "The Wish". L'an seguent, anèt a çò de Tex et Marion Vinyard, que pairinejavan de grops joves en vila. L'ajudèron a venir lo guitarista e un dels cantaires principals dels Castiles. Los Castiles enregistrèron doas cançons originalas dins un estúdio d'enregistrement public de Brick Township e joguèron dins divèrs luòcs, coma lo Cafe Wha? a Greenwich Village. A la fin deLs ans 1960, Springsteen se produtz brèvament dins un power trio nomenat Earth, jogant dins de clubs de Nòva Jersei, amb un espectacle major a l'otèl Diplomat de New York City.
De 1969 al començament de 1971, Springsteen joguèt amb Steel Mill (originalament sonat Child), que compreniá Danny Federici, Vini Lopez, Vinnie Roslin e pus tard Steve Van Zandt e Robbin Thompson. Durant aqueste periòde jogava regularament al Jersey Shore, a Richmond en Virgínia, Nashville, Tennessee, e faguèt qualques concèrt en Califòrnia, començant lèu lèu de venir cult.
Discografia
modificar- Greetings from Asbury Park, N.J. (1973)
- The Wild, the Innocent & the E Street Shuffle (1973)
- Born to Run (1975)
- Darkness on the Edge of Town (1978)
- The River (1980)
- Nebraska (1982)
- Born in the U.S.A. (1984)
- Tunnel of Love (album)|Tunnel of Love (1987)
- Human Touch (1992)
- Lucky Town (1992)
- The Ghost of Tom Joad (1995)
- The Rising (2002)
- Devils & Dust (2005)
- We Shall Overcome: The Seeger Sessions (2006)
- Magic (2007)
- Working on a Dream (2009)
- Wrecking Ball (2012)
- High Hopes (2014)
- Western Stars (2019)
- Letter to you (2020)
- Only the Strong Survive (2022)