Wikipèdia:La tavèrna

Benvenguts a la Tavèrna de la Wikipèdia Archius de la tavèrna Tavèrna dels non-occitanofòns

Tornar lançar l'occitan sus le Wikipèdia e l'internet liure en generau

E bonjorn ! Sèi Walter, d'Auvernha. L'occitan sus l'internet z-es pas pro desvelopat par le moment, e portant, i a mai de projèctes liures, coma Wikipèdia, Openstreetmap, le logiciau liure...eca ente podem faire mai de reviradas en occitan, e ente le fasem deja. Pense que fau organizar la comunitat d'occitanofòns de l'internet par de quo. Par exemple, faire coma le Wikimedia en francès, un servidor Discord ente podem se rencontrar e s'organizar. Que ne'n pensetz ?

PS: Desolat si escriut pas mai l'occitan, sèi enquèra aprenant.

Estatisticas 2021

Estatisticas generalas de 2021

Donada	Unitat	Valor genier de 2020	Valor genier de 2021	Valor genier de 2022	Variacion 2021-2022
List of wikipedias :
– nombre d'articles	article	87 083	86 210	87 096	+1%
– reng mondiau	-	69en	73en	74en	-1
Nombre totau de paginas	pagina	146 299	152 480	155 159	+1,7%
Utilizaires actius (1 edicion/mes min.)	utilizaire	65	87	95	+9%
Nombre d'edicions	edicion	2 144 883	2 231 294	2 288 412	+2,5%
Prefondor	-	7	8	9	+12,5%
List of Wikipedias by sample of articles :
– ponchs	pts	32,52	35,44	39,57	+11,7%
– reng mondiau	-	44en	43en	41en	+2
List of Wikipedias by expanded sample of articles :
– ponchs	pts	30,10	31,19	32,55	+4,3%
– reng mondiau	-	61en	61en	61en

Segon ieu, l'annada 2021 es similara a 2020 : es marcada per l'aumentacion lenta de la qualitat generau de la wikipèdia occitana amb un trabalh important sus leis articles fondamentaus e sus la toponomia. Aquò s'obsèrva dins lei classaments per tièra d'articles o dins l'aumentacion regulara de la "prefondor" dau wiki. En revènge, en causa dau nombre feble (mai en aumentacion) d'utilizaires, avèm de dificultats per crear d'articles. Pasmens, en fàcia de la concurréncia dei wikipèdias vesinas (francesa, italiana, castelhana, catalana...) qu'an una quantitat ben superiora d'articles, aquò pòu semblar una evolucion positiva au projècte nòstre : una wikipèdia "reducha" mai amb d'articles ben estructurats e ben illustrats. --Toku (d) 16 genièr de 2022 a 14.39 (UTC)

Discussions en cors sus la lista dei 1000 articles fondamentaus

Bonjorn, per informacion, i a una discussion en cors sus la lista dei 1000 articles fondamentaus a prepaus d'un quarantenau de modificacions. Aquò pòu aver un impacte sus la wikipèdia nòstra car aquela lista es utilizada per desvolopar aquela wikipèdia (subretot per Nicolas Eynaud mai tanben per d'autreis utilizaires coma Algovia o ieu). Per resumir, un utilizaire prepausa fòrça modificacions que son susceptiblas de demenir lo nombre de ponchs qu'avèm sus lo classament dei wikipèdias segon la lista dei 1000 articles. L'enjòc es en realitat feble car aquela lista es facultativa. Pasmens, sensa formular de demandas de sostèn, pensi qu'aquela discussion pòu interessar certanei personas aquí. Coralament, --Toku (d) 10 febrièr de 2022 a 09.43 (UTC)

La discussion se debana sus aquela pagina : [1] --Toku (d) 10 febrièr de 2022 a 09.44 (UTC)

Dos mes pus tard, la discussion sembla desenant « mestrejada » (es a dire que totei lei participants arriban mai ò mens a se parlar). --Nicolas Eynaud (d) 13 abril de 2022 a 21.06 (UTC)