Velinas

Velinas, foneticament [ve’linɒ])^[1] o Velina (Vélines en francés) es una comuna d'Occitània, dins la region istorica de Perigòrd, administrada per lo departament de Dordonha de la region de Novèla Aquitània, ancianament d'Aquitània.

Velinas
Vélines

La glèisa de Velinas

Armas

Geografia fisica

Coordenadas

44° 51′ 35″ N, 0° 06′ 33″ E

Superfícia

10,47 km²

Altituds
· Maximala
· Mejana
· Minimala

113 m
70 m
10 m

Geografia politica

França

País de Montanha e Gurçon (capluèc deu canton de Velinas avant 2015)

Intercom
242401305

CC de Montanha, Montravèl e Gurçon (residéncia)

Cònsol

Gilbert de Miras
(2020-2026)

Geografia umana

Populacion
Populacion totala
(2018)

1 081 ab.

Evolucion de la populacion

1 092 ab.

Densitat

104,97 ab./km²

Autras informacions

Còde postal

24230

Còde INSEE

24568

Geografia

L'activitat e l'abitat se despartissen entre lo borg e Les Réaux (nom francés), sus la RD 936, au caireforc emb la RD 11, a mens de 2 km deu borg. Lo borg es un petit caireforc (RD 11, RD 10) sus un site de defensa, mès a mantengut una certana activitat comerciala, sostenguda per la preséncia de servicis publics (creacion deu collègi Olympe de Gouges inaugurat en 1984 ^[2], residéncia de la comunautat de comunas, etc). Significativament deu pauc d'esperança sus sa valor comerciala i a quauquas decennias, maugrat son estatut de canton, lo Crèdit Agricòla i a pas creat de sucursala. Lo grand caireforc es Les Réaux, ric en activitats e dins una certana mesura en populacion, installada dins d'ostaus individuaus recents. Dempuèi lo començament de las annadas 2010 (2011 ? 2012 ?), l'installacion d'un supermercat Carrefour Contact e d'autres comercis risca rompre l'equilibri.

Comunas a l'entorn.

Perimètre deu territòri

Comunas confrontantas de **Velinas**
Bonavila e Sent Avit de Fumadièras	Sent Bebian	Montaseus
Montcaret		Nastrengas
Sent Sieurin de Prats		Sent Antòni del Bruèlh

Toponimia

La prononciacion es [ve’linɒ] ^[3]. Las fòrmas ancianas son Vellino, sus una moneda merovingiana ^[4], Velhini, au sègle XIII, en 1342, Velinis en 1342 ^[5]. Velinas s'explica per un nom latin d'òme *Vellinus, inferit de Vellius (Dauzat e Rostaing)^[6], o un nom galloroman Velinus o *Vellinus, que vendriá deu nom de la vila de Velia (Tanet e Hordé) ^[5], o un nom galloroman sense precision (site de las comunas de Dordonha) ^[7], o un nom gallic, atestat, Vellinos, emb un nom d'origina que seriá dins aqueu cas uellinā (Xavier Delamarre) ^[8]. Lo sens seriá « las tèrras, lo domeni, de Vel(l)inus ». Maugrat la fòrma donada per Delamarre, las atestacions deu segond millenari son au plurau, çò que justifica la grafia Velinas.

Istòria

Administracion

Lista deus cònsols successius
Periòde		Identitat	Etiqueta	Qualitat
març 2008	2026 ^[9]	Gilbert de Miras	sense etiqueta	artesan
junh 1995	2008	Jean-Pierre Castanet	divèrs drecha
	1995
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra capluèc deu canton de Velinas; es adara deu canton de Pays de Montaigne et Gurson (en francés), donc deu País de Montanha e Gurçon.