Tactica
La tactica es l'art de dirigir una batalha, gràcias a l'utilizacion dau terren e a la combinason de l'accion dei diferents mejans de combat e de l'efiech deis armas, per obtenir un resultat determinat. Es foncion de sei buts, de l'estat deis armadas, de sei mòdes de foncionament, de seis armaments, de la geografia dau prat batalhier e dei caracteristicas de l'enemic. Ansin, existís una gròssa diversitat de tacticas adaptadas ai diferenteis armas (infantariá, cavalariá...), a diferenteis environaments (montanha, desèrt...) e a diferents contèxtes (superioritat numerica d'un camp...).
La tactica se distinguís de l'estrategia, que permet de definir leis objectius a lòng tèrme, e de l'operatica que permet de coordenar l'accion d'unitats importantas au nivèu de la campanha, es a dire sus de distàncias e de teatres de talha superiora a una batalha unica. Dins aquò, existís de liames car lei succès tactics son sovent la condicion necessàrias per agantar lei buts operatics ò estrategics d'una armada ò d'un país en guèrra.
Per extension, se parla tanben de tactica dins de contèxtes non militars implicant una nocion de confrontacion (espòrt, economia, politica...).