Tòquio

 Aquesta pagina conten de caractèrs japonés. En cas de problèma, consultatz Ajuda:Unicode o testatz vòstre navegador.

Tòquio (東京, , Tōkyō^?, [toːkʲoː]  «Capitala de l'èst») es la capitala de Japon, localizada dins la region de Kantō al centre èst de l'illa d'Honshū, dins la prefectura de Tòquio. Lo gentilici es toquioïta.

Tòquio

東京都 (ja)
(Bandièra)
Imne	Imne Metropolitan de Tòquio  (1947 )
Simbòl	Ginkgo biloba, Prunus ×yedoensis e Chroicocephalus ridibundus
Nom oficial	東京都 (ja)
Administracion
Capitala	Shinjuku
Capitala de	Japon
Politica
• Governador	Yuriko Koike (2016–)
Geografia
35° 41′ 22″ N, 139° 41′ 30″ E
Estat	Japon
Superfícia	2 194,05 km²
Altitud mejana	6 m
Punt culminant	Mont Kumatori (2 017,1 m)
Fus orari	Fus orari japonés
Demografia
• Totala	14 264 798 ab. (2022 )
• Densitat	6 501,58 ab./km²
Autras informacions
ISO 3166-2	JP-13
Sit web	metro.tokyo.lg.jp

Lo districte de Shibuya, a Tòquio.

Sa populacion èra estimada a 14 264 798 abitants en mai de 2022 e forma una de las principalas ciutats mai pobladas del mond.

Tòquio es una de las quaranta-sèt prefecturas de Japon. Principal centre politic de l'archipèla dempuèi lo sègle xvii, la vila aculhís las principalas institucions del país: la residéncia de l'emperador de Japon, del Primièr ministre, le seti de la Dièta (lo parlament japonés), del Cabinèt, los ministeris que lo constituisson e totas las ambassadas estrangièras.

A l'origina, Tòquio èra un pichon vilatge de pescaires nomenat Edo («l'estuari»). Fortificat al sègle xv, Edo venguèt la basa militara de shogun Tokugawa Ieyasu a la fin del sègle xvi, puèi la capitala de son governament. Durant l’epòca d'Edo (1603-1868), Edo se desvolopèt e venguèt una de las vilas pus pobladas al monde a la fin del sègle xviii, amb una populacion de prèp d'un milion d'abitants. Amb la restauracion de l'Empèri en 1868, foguèt confortada dins son ròtle de còr politic de Japon: lo castèl d'Edo venguèt la residéncia de l'Emperador Meiji (Kōkyo), e la vila prenguèt son nom actual per oposicion a Kyoto, l'anciana capitala. Durant la Segonda Guèrra Mondiala, foguèt destrusida per mitat pels bombardaments aerians americans, mas foguèt lèu lèu rebastida. Dins la segonda mitat del sègle xx, Tòquio venguèt una metropòli de reng mondial merce a un fòrt desvolopament industrial –en particular dins lo sector de l'electronica–, e vegèt sa populacion multiplicada per detz en cinqanta ans.

Principal centre economic e financièr de Japon, Tòquio es una de las principalas plaças financièras asiaticas e mondialas. Lo dinamic arrondiment de Shinjuku comporta nombroses gratacèls, coma lo de la comuna e de mantes grands magazins de Japon. Minato-ku aculhís los sètis socials de nombrosas entrepresas japonesas e estrangièras, e un cinqantenat d'ambassadas. Chiyoda concentra las institucions politicas japonesas. Enfin, Shibuya es reputat per èsser un dels quartièrs pus animats de la vila, mercé a lapreséncia de grands centres commercials coma lo 109. Malgrat la modernitat de son arquitectura, que ne testimònia la torre Tokyo Skytree, nombroses santuaris shinto e temples bodistas son estats servats o tornar bastit aprèt los bombardaments, coma lo Sensō-ji, lo santuari Yasukuni, lo Zōjō-ji o las pòrtas Hōzōmon.

Situada al fons de la baia de Tòquio, la comuna de Tòquio ten un estatut administratiu particular entre las prefecturas de Japon - la vila de Tòquio foguèt suprimida coma entitat politica o administrativa en 1943. L'aglomeracion, que s'estend al delà dels limits de la prefectura, s'espandís sus una larga faissa de la baia de Tòquio e dins la region de Kantō. Amb Ōsaka e Nagoya, constituís un dels pòls de la megalopòli japonesa.