Stradivarius Ròda
Lo Stradivarius Ròda qu'ei un vriulon deu laütièr cremonés Antonio Stradivari hèit en 1722.
Que deu lo son nom au compositor, violonista e pedagògue bordalés Pèir Ròda (Pierre Rode en francés) un deus màgers tahents de l'escòla francesa deu vriulon.
A dia de uei que pertanh a la Maggini Foundation qui'u prestè au violonista cazac Erzhan Kulibaev.
Segon Tarisio Auctions que ho deu marqués Vincenzo Carbonelli dinc a 1740, puish, aquesta annada que passè per las mans deu comte Pomponio Spilimbergo ; après lo laütièr francés Nicolas Lupot que l'agó e que ho aquesit per Ròda. En 1836 que passè au duc d'Olbreuse, puish M. Norès, Gand & Bernardel Frères, e que ho de Charles Lamoureux dinc a 1890 e a partir d'aquí que ho venut e tornat véner peu biais de W. E. Hill & Sons a mantuns crompaires.
