Sent Abre

Sent Abre (Tocane-Saint-Âpre en francés) es una comuna d'Occitània, dins la region istorica de Perigòrd, administrada per lo departament de Dordonha e la region de Novela Aquitània, ancianament d'Aquitània.

Sent Abre
Tocane-Saint-Apre

Lo borg

Geografia fisica

Coordenadas

45° 15′ 19″ N, 0° 29′ 50″ E

Superfícia

32,35 km²

Altituds
· Maximala
· Mejana
· Minimala

232 m
85 m
68 m

Geografia politica

França

Brantòsme (Montagrier davant 2015)

Intercom
242401206

CC dau Perigòrd Rabairagués

Cònsol

Pierre Janaillac
(2020-2026)

Geografia umana

Populacion
Populacion totala
(2018)

1 716 ab.

Evolucion de la populacion

1 752 ab.

Densitat

51,84 ab./km²

Autras informacions

Còde postal

24350

Còde INSEE

24553

Geografia

Comunas a l'entorn.

Toponimia

La prononciacion (de la comuna entiera) es [ʂɛ̃n’tabre]^[1].

Pardus

Pardus es una paròfia avalida^[2]. Las fòrmas ancianas son Sanctus Martinus de Parduz en 1144, Pons de Pardutz en 1150, Beata Maria de Parduco en 1231 (chanjament de vocable), Sainte-Marie de Pardoux o de Pradoux en 1310, Perducium en 1365. I aviá un archipreirat de Pardoux que passet a Chantairac au segle XIV. Chantal Tanet e Tristan Hordé esclaresissen pas la question de saber se Pardoux (cf. Sent Perdon) es per eus lo mesme nom que Pardús/Pardutz ^[2]. Quò's evident qu'es una atraccion paronimica (lo nom Pardús fuguet interpretat coma lo petit nom d'un sent coneissut).

Tocane

Lo nom pareis qu'au segle XIV, perqué Tocane a degut absorbir la paròfia dispareissuda de Pardus^[2] (l'a remplaçada coma paròfia). Las fòrmas ancianas son Pons de Tousquam, in parochia de Tosquane en 1454, Notre Dame de Perdus dit Touscane en 1489. Tocane ven de toscan, abitant de Toscana, vengut un nom antic d'òme^[2]. Dauzat e Rostaing parlan de transferiment dau nom de Toscana (la region)^[3].

Sent Abre

Lo nom es atestat en 1310, en latin, Sanctus Asprus de Perducio. Asper (per Tanet e Hordé), Aper (site de las comunas de Dordonha) son dos sents diferents. Asper fuguet evesque de Toul au segle V, Aper, naissut a Sens (Yonne), fuguet monge en Maurienne^[2]^,^[1]^,^[4]^,^[5].

Vernode

Vernode (nom francés) es un vilatge e un chasteu roinat. Las fòrmas ancianas son Capella municipii nomine Vernode en 1121, Miles de Vernodio sive de Podio Agulhie en 1339, Vernodium en 1340, Vernaude, sens data^[6]. Chantal Tanet e Tristan Hordé explican que seriá un derivat de vèrn ^[7] (vernhe), sens mai de precisions.

Istòria

Las comunas de Tocane (Toscana ?), la pus poblada, e de Sent Abre fuguèren estachadas en 1852^[8]. Quò'ra una sola aglomeracion. Lo nom de Sent Abre demoret en occitan per l'ensemble.

Administracion

Lista daus cònsols successius
Periòde		Identitat	Etiqueta	Qualitat
24 de mai 2020	2026	Pierre Janaillac ^[9]
aost de 2007	2020	Gérard Senrent
novembre de 1981	2007	Michel Debet	PS	director dau Centre Departamentau de Documentacion Pedagogica, deputat (2007-2008), conselhier generau (1992-2008)
mai de 1953	octobre de 1981 (mòrt en foncions)	Raymond Gayou
	1953
Totas las donadas non son pas encara conegudas.