Richard Anthony

Richard Btesh, dich Richard Anthony, nascut en Egipte lo 13 de genièr de 1938 al Caire e mòrt lo 19 d'abril de 2015 en Occitània a Pegomàs (Provença), èra un cantaire francés, fòrça popular dins las annadas 1960 e 1970. Eissit del movement yéyé, es estat ambe Johnny Hallyday l'un dels primièrs a popularizar lo ròck en França, e d'un biais general la pop anglofòna dels Estats Units e de las Illas britanicas, en avent sovent cantat d'adaptacions en francés d'aquel estili musical, per exemple Fiche le camp, Jack, inspirat de Hit the Road, Jack de Ray Charles, o La terre promise, de California dreamin de The Mamas & the Papas. Poliglòt, a enregistrat de títols dins sièis lengas diferentas : francés, anglés, alemand, espanhòl, italian e arabi.

Lo cantaire Richard Anthony, l'un dels mai emblematics del movement "yéyé" en França

Demest sas grandas capitadas popularas en França, se pòt citar "J'entends siffler le train", "Amoureux de ma femme", "Nouvelle Vague", "La Leçon de twist", "À présent tu peux t'en aller", "Je me suis souvent demandé", "Aranjuez, mon amour", "Le Sirop Typhon" etc.

Dempuèi las annadas 1980, demorava en Occitània, en Provença.