PSR B1257+12 c

PSR B1257+12 c, subrenomat Poltergeist, es una planeta extrasolara en orbita a l'entorn dau pulsar PSR B1257+12. Es situat a 2 300 ans lutz de la Tèrra dins la constellacion de la Verge^[1]. Descubèrta en 1992, aguèt un ròtle important dins l'istòria de l'astronomia car permetèt de demostrar l'existéncia de planetas en fòra dau Sistèma Solar.

Istòria

Poltergeist foguèt descubèrta en 1992 per leis astronòms Aleksander Wolszczan (nascut en 1946) e Dale Frail (nascut en 1961) amb l'ajuda dau radiotelescòpi d'Arecibo^[2]. En parallèl, foguèt descubèrta una segonda planeta, dicha Fobetor. Situadas sus d'orbitas relativament pròches, an una influéncia gravitacionala sus la trajectòria de sa vesina, çò que permetèt de calcular rapidament lei caracteristicas dei doas plantas.

Doas autreis exoplanetas foguèron identificadas a l'entorn dau pulsar PSR B1257+12 en 1994 e en 2002.

En causa de la precocitat de sa descubèrta, recebèt plusors apelacions avans la definicion dei règlas de nomenclatura per leis exoplanetas coma PSR 1257+12 B e PSR B1257+12 B (annulat per la descubèrta de PSR B1257+12 b en 1994). Lo nom « Poltergeist » li foguèt atribuïda en 2015 per l'Union Astronomica Internacionala après un concors internacionau^[3].

Caracteristicas

Poltergeist es una planeta de 4,3 massas terrèstras que seguís una orbita relativament circulara (excentricitat de 0,0186) mai fòrça clinada (53°) a una distància mejana de 0,36 UA de son pulsar ^[4]. Son orbita es trebolada per la proximitat de Fobetor que son orbita se situa a 0,46 UA dau pulsar centrau.

La natura e l'estat de la planeta son desconegudas mai de condicions extrèmas son probablas car un pulsar es lo rèsta d'una estela supermassisa aguent espetat sota forma de supernova. Doas teorias permèton d'explicar sa preséncia :

lo sistèma planetari de PSR B1257+12 es lo vestigi de planetas gigantas en partida destruchas per la violéncia de la supernova.
lo sistèma planetari es una formacion posteriora a l'explosion, a partir dei vestigis de l'estela.

Pasmens, a l'ora d'ara, ges d'indici permet de validar aqueleis ipotèsis.

Annèxs

Liames intèrnes

Bibliografia

Nòtas e referéncias

↑ Sei coordenadas precisas dins lo cèu terrèstre son 13 h 00 mn 01 s e 12° 40' 57". Es donc situada a proximitat de Vindemiatrix.
↑ (en) A. Wolszczan e D. Frail, "A planetary system around the millisecond pulsar PSR1257 + 12", Nature, 1992, 355 (6356) : 145–147.
↑ (fr) Philippe Henarejos, « Les exoplanètes reçoivent leurs premiers noms », Ciel & Espace, 16 de decembre de 2015, [1].
↑ (en) M. Konacki e A. Wolszczan, « Masses and Orbital Inclinations of Planets in the PSR B1257+12 System », The Astrophysical Journal, vol. 591, n° 2,‎ 10 de julhet de 2003, pp. L147-L150.

[1] Sei coordenadas precisas dins lo cèu terrèstre son 13 h 00 mn 01 s e 12° 40' 57". Es donc situada a proximitat de Vindemiatrix.

[2] (en) A. Wolszczan e D. Frail, "A planetary system around the millisecond pulsar PSR1257 + 12", Nature, 1992, 355 (6356) : 145–147.

[3] (fr) Philippe Henarejos, « Les exoplanètes reçoivent leurs premiers noms », Ciel & Espace, 16 de decembre de 2015, [1].

[4] (en) M. Konacki e A. Wolszczan, « Masses and Orbital Inclinations of Planets in the PSR B1257+12 System », The Astrophysical Journal, vol. 591, n° 2,‎ 10 de julhet de 2003, pp. L147-L150.

[1]

[2]

[3]

[4]