Organizacion militara

L’organizacion militara descriu lei principis d'organizacion dei fòrças armadas d'un Estat o d'una entitat similara (rebellion, territòri independentista...). Dèvon integrar de dimensions variadas destinadas a assegurar la disciplina militara (mesa en plaça de rengs militars), a crear d'unitats administrativas permetent de gerir lei ressorsas umanas e materialas (basas militaras, regiments...) e a crear lei condicions permetent lo mantenement dei foncions necessàrias a una accion militara (comandament, ensenhament, combat, logistica, formacion, medecina...).

Es una question anciana qu'es probablament apareguda amb lei premiereis armadas organizadas durant l'Antiquitat. Per exemple, l'Estendard d'Ur, una gravadura dau milleni III avC, mòstra d'unitats diferenciadas e especializadas dins d'aspèctes donats dau combat (arquiers, carris...). Lei modèls utilizats conoguèron fòrça evolucions e foguèron lòngtemps especifics a una cultura o una civilizacion donada. Lo sistèma modèrne, basat sus la division o la bregada per lei fòrças terrstres e l'esquadra per la marina o l'aviacion, es eissit dei reflexions francesas menadas après la Guèrra de Sèt Ans (1756-1763) sus l'interès de combinar diferents tipes d'armas au sen d'una meteissa unitat. Adaptat amb succès per leis armadas revolucionàrias, se difusèt lentament dins lo rèsta dau mond amb la colonizacion e lei doas guèrras mondialas.

Lei brancas dei fòrças armadasModificar

La nocion de branca militara es un premier element d'organizacion dei fòrças armadas. Es fòrça anciana qu'es probable apareguda amb la creacion dei premierei marinas militaras. Consistís a recampar dins un meteis ensemble lei soudats especializats dins un meteis aspècte de la guèrra. Uei, dins la màger part deis armadas modèrnas, existís una armada de tèrra qu'es especializada dins lo combat terrèstre, una marina militara qu'es encargada deis operacions maritimas e una fòrça aeriana qu'es dedicada ais operacions aerianas. Certanei país tènon pas de marina quand an pas d'accès a la mar o a un fluvi important. D'autrei pòdon crear de brancas suplementàrias coma dins leis operacions espacialas o dins la defensa antiaeriana. Aquò varia segon l'istòria e la doctrina militara dau país regardat.

Una branca militara es generalament caracterizada per l'utilizacion de materiaus e de doctrinas militaras distints. Per exemple, lei naviris militars son un equipament caracteristic dei flòtas de combat. Pasmens, certaneis armas pòdon èsser comunas a mai d'una branca. Per exemple, es lo cas de l'artilharií qu'es un element constitiu de la guèrra terrèstra e de la guèrra navala. L'usatge d'aeronaus es tanben comun a la màger part dei brancas modèrnas. La doctrina militara es donc un element important dins la constitucion d'una branca. Per exemple, una unitat d'elicoptèrs de combat integrada dins una fòrça blindada utilizarà seis equipaments d'una maniera similara a una unitat d'elicoptèrs integrada dins una fòrça aeriana ai missions pus largas.

Comandament, formacions e unitatsModificar

DefinicionModificar

Lei nocions de comandament, de formacions e d'unitats son un autre element important de l'organizacion militara. Lo premier designa un ensemble de formacions e d'unitats plaçadas sota l'autoritat d'un meteis cap comandant. Lo segond designa un ensemble d'unitats, sovent especializadas dins una arma diferenta, plaçadas sota l'autoritat d'un meteis cap. Per exemple, es lo cas de la division o de l'esquadra. Enfin, l'unitat designa un ensemble reduch, generalament especializat dins una arma unica. Per exemple, es lo cas dau regiment o dau naviri. Dins certaneis armadas, existís tanben la nocion de sosunita que correspònd ai nivèus pus pichons de la tactica militara (companhiá, seccion...).

Fòrças terrèstrasModificar

Existís dos modèls principaus per l'organizacion dei tropas terrèstras : aqueu de tipe occidentau e aqueu de tipe sovietic (desenant rus). Lei diferéncias pus importantas regardan l'organizacion dei formacions. Dins leis armadas occidentalas, lei bregadas o lei divisions son gropadas en còrs d'armada que son gropats en armadas que forman un grop d'armada. Dins leis armadas d'inspiracion sovietica, lei divisions son pus pichonas. Forman d'armadas egalament pus pichonas que seis equivalentas occidentalas. Puei, aqueleis armadas son gropadas dins de frònts. Una coordenacion especiala pòu de còps dirigir dos a quatre frònts[1].

Simbòl OTAN Nom Natura Efectiu Unitats constituentas Cap
  Comandament unificat, region militara o teatre Comandament 1 000 000 a 10 000 000 Au mens 4 grops d'armadas Manescau, generau d'armada
  Grop d'armadas o frònt Comandament De 400 000 a 1 000 000 Au mens 2 armadas Manescau, generau d'armada
  Armada Comandament De 100 000 a 200 000 De 2 a 4 còrs d'armada Manescau, generau d'armada
  Còrs d'armada Formacion De 20 000 a 50 000 Au mens 2 divisions Generau d'armada, Generau de còrs d'armada
 
 
Division Formacion De 6 000 a 25 000 De 2 a 4 bregadas o regiments Generau de division
 
 
Bregada Formacion De 3 000 a 5 000 Au mens 2 regiments o 3 a 8 batalhons Generau de bregada, coronèu
 
 
Regiment Unitat De 1 000 a 3 000 Au mens 2 batalhons Coronèu
 
 
Batalhon Unitat De 300 a 1 000 De 2 a 6 companhiás Luòctenent coronèu, comandant
 
 
Companhiá, batariá, escadron Unitat De 80 a 250 De 2 a 8 seccions Comandant, Capitani, luòctenent
 
 
Staffel[2] Unitat De 50 a 90 Au mens 2 seccions Capitani, luòctenent
 
 
Seccion Unitat De 25 a 55 Au mens 2 grops Luòctenent, Adjudant
 
 
Grop o patrolha - De 8 a 25 Au mens 2 escoadas, un veïcul o una pèça Adjudant, sergent
 
 
Escoada - De 8 a 12 De 2 a 3 grops de combat Sergent, caporau
 
 
Grop de combat - De 2 a 4 n/a Sergent, caporau, soudat

Fòrças navalasModificar

A respècte dei fòrças terrèstras, lei fòrças navalas an una organizacion generala pus sopla car lei naviris son sovent dins l'obligacion de se dispersar o de cambiar de teatres. De mai, lo naviri i es l'unitat de basa. Lei nivèus organizacionaus i son donc ben mens nombrós car s'arrèstan a aquela escala.

Unitat Tipe de naviris Nombre de naviris Cap comandant
Comandament unificat o amirautat Ensemble dei naviris de la marina Au mens 2 flòtas Amirau
Flòta Totei lei naviris presents dins una ocean o una region maritima importanta Au mens 2 flòtas de combat Amirau
Flòta de combat Fòrça naviris variats Au mens 2 fòrças operacionalas Vice-amirau d'esquadra
Fòrça operacionala o grop aeronavau Plusors naviris complementaris, un pòrta-avions (per lo grop aeronavau) Au mens 2 divisions Vice-amirau
Division or Task Group Au mens 2 naviris importants Au mens 2 naviris capitaus e son escòrta Còntra-amirau
Flotilha Au mens 2 esquadrilhas Plusors naviris pichons o mejans, generalament similars Còntra-amirau, commodòre
Esquadrilha Naviris pichons o mejans Plusors naviris pichons o mejans, generalament similars Capitani de vaissèu
Naviri - 1 Capitani de vaissèu, capitani de fregata, capitani de corveta

Fòrças aerianasModificar

L'organizacion dei fòrças aerianas presenta de diferéncias importantas entre lei país en causa dei diferéncias importantas dins lo nombre d'aeronaus disponibles. D'efiech, l'organizacion d'una armada aeriana alinhant quauquei desenaus d'aparelhs es pas la meteissa causa d'aquela d'una fòrça dispausant de centenaus (o de miliers) d'aeronaus susceptibles d'èsser especializats dins una mission donada.


Simbòl OTAN Unitat Efectius Nombre d'aeronaus Unitats constituentas Cap comandant
 
 
Comandament unificat o comandament nacionau Totalitat dei fòrças aerianas consideradas Totalitat dei fòrças aerianas consideradas Totalitat dei fòrças aerianas consideradas Manescau, cap comandant dei fòrças aerianas
 
 
Major Command (armada estatsunidenca) Variable Variable Variable Generau
 
 
Tactical Air Force (armada britanica)[3] Variable Variable Variable Generau
 
 
Numbered Air Force (armada estatsunidenca), armada aeriana (armada sovietica) Variable Variable Au mens 2 divisions aerianas Generau
 
 
Division aeriana Variable Variable Au mens 2 bregadas aerianas Generau de division aeriana
 
 
Bregada aeriana De 1 000 a 5 000 De 48 a 200 Au mens 2 esquadras aerianas Generau de bregada aeriana
 
 
Esquadra aeriana, regiment aerian De 300 a 1 000 De 17 a 48 De 3 a 4 esquadrons aerians Coronèu, luòctenent coronèu
 
 
Esquadron aerian De 100 a 300 De 7 a 16 De 3 a 4 esquadrilhas Luòctenent coronèu, comandant
 
 
Esquadrilha De 20 a 100 De 4 a 6 Au mens 2 seccions aerianas e sei personaus de supòrt Comandant, capitani
 
 
Staffel (armada alemanda) De 40 a 160 De 6 a 12 Au mens 2 seccions aerianas e sei personaus de supòrt Capitani
 
 
Seccion aeriana De 10 a 40 De 0 a 2 n/a Luòctenent, adjudant, sergent
 
 
Seccion De 8 a 12 n/a n/a Adjudant, sergent
 
 
Grop o escoada De 2 a 4 n/a n/a Sergent, caporau

Còrs expedicionariModificar

Article principal : Còrs expedicionari.

Un còrs expedicionari es un recampament provisòri d'unitats militaras creat per menar una operacion particulara, generalament dins una region alunchada de lor territòri nacionau. Aquò necessita una organizacion especiala, especialament au nivèu de la logistica car l'avitalhament d'una tala formacion pòu lèu venir complèx. Pasmens, es possible de preparar leis unitats a la guèrra expedicionari en temps de patz (exercici de coalicion, mesa en plaça de sistèmas de comunicacion comuns...).

AnnèxasModificar

Liames intèrnesModificar

BibliografiaModificar

Nòtas e referénciasModificar

  1. Aquò èra sovent lo cas durant la Segonda Guèrra Mondiala.
  2. Unitat presenta dins leis armadas organizadas segon lo modèl alemand.
  3. Nivèu pas utilizat a l'ora d'ara.