Fòrça aeriana
Una fòrça aeriana es una branca de las fòrças armadas d'un estat que permet de menar una accion militara dins o dempuèi l'aire o l'espaci. Sas missions principalas pòdon variar entre los païses. Pasmens, son generalament l'intercepcion e la destruccion d'unitats aerianas enemigas dins l'espaci aerian nacional, la proteccion d'autres avions, l'ataca o la reconeissença d'un espaci aerian enemic, lo transpòrt estrategic o tactica, lo sosten a d'autras fòrças (avitalhament, ataca d'unitats terrèstras...) o la participacion a la dissuasion nucleara. Per aquò, las unitats d'una fòrça aeriana son generalament formadas d'avions militars, de personals de sosten mecanic, d'un ret de susvelhança de l'espaci aerian, de fòrças de defensa antiaeriana e de comandos.
