Nevado Ojos del Salado

Lo Nevado Ojos del Salado (6 879 m) es un volcan actiu deis Andes situat dins lo Desèrt d'Atacama lòng de la frontiera entre Argentina e Chile. A la particularitat d'èsser lo volcan actiu pus aut de la planeta. Es tanben la segonda cima pus auta d'America.

Lo Nevado Ojos del Salado es un estratovolcan liat ai fenomèns de subduccion entre la Placa Pacifica e la Placa Sud-Americana. Sa formacion comencèt i a 1,5 milions d'ans^[1]. Lei mesuras geologicas an identificat dos periòdes principaus de formacion e l'edifici actuau cuerb una estructura volcanica pus anciana. A l'ora d'ara, l'activitat dau volcan es febla. La preséncia de fumaròlas es atestada a la cima mai la darriera erupcion importanta aguèt luòc vèrs 750 apC (± 250). Pasmens, aquò empacha pas la susvenença d'episòdis eruptius brèus coma en novembre de 1993^[2].

En causa de l'ariditat generala de la region d'Atacama, la preséncia de nèu a la cima dau volcan es rara. La premiera ascension se debanèt lo 26 de febrier de 1937 e foguèt l'òbra deis alpinistas polonés Jan Alfred Szczepański e Justyn Wojsznis. Lo camin presenta ges de dificultat tecnica.

Liames intèrnes

Volcan.

Bibliografia

(es) Óscar González-Ferrán, Volcanes de Chile, Instituto Geográfico Militar, 1995.

Nòtas e referéncias

↑ (en) Suzanne Mahlburg Kay, Beatriz Coira e Constantino Mpodozis, « Field trip guide: Neogene evolution of the central Andean Puna plateau and southern Central Volcanic Zone », GSA Field Guide 13: Field Trip Guides to the Backbone of the Americas in the Southern and Central Andes: Ridge Collision, Shallow Subduction, and Plateau Uplift, vol. 13, 1^èr de genier de 2008, pp. 117-181.
↑ (en) Global Volcanism Program, « Report on Nevados Ojos del Salado (Chile-Argentina) (Wunderman, R., ed.) ». Bulletin of the Global Volcanism Network, vol. 18, 1993, p. 11. Smithsonian Institution.

[1] (en) Suzanne Mahlburg Kay, Beatriz Coira e Constantino Mpodozis, « Field trip guide: Neogene evolution of the central Andean Puna plateau and southern Central Volcanic Zone », GSA Field Guide 13: Field Trip Guides to the Backbone of the Americas in the Southern and Central Andes: Ridge Collision, Shallow Subduction, and Plateau Uplift, vol. 13, 1^èr de genier de 2008, pp. 117-181.

[2] (en) Global Volcanism Program, « Report on Nevados Ojos del Salado (Chile-Argentina) (Wunderman, R., ed.) ». Bulletin of the Global Volcanism Network, vol. 18, 1993, p. 11. Smithsonian Institution.

[1]

[2]