Mont Ararat
Lo Mont Ararat ("Ağrı" en turc, "Արարատ" en armenian legit Masis o Masik, "Agirî" en curd, "آرارات" en persan legit Koh-i Nuh, "אררט" en ebrieu), es una montanha de l'actuala Turquia. S'i encalèt l'arca de Noé après lo grand deluvi universal.[1] segon la genèsi capítol noven.
Es un massís de 23 quilomètres de long per 18 quilomètres de larg[2]. Es en fach constituit de dos sucs: lo mai grand e mai nauta, al Grand Ararat fa 5 166 mètres d'altitud.
Pel tractat de Turkmančay del 2 al 14 de febrièr de 1828 Pèrsia cedèt lo penjal nòrd de la montanha a Russia (districtes de Surmlu, Kulp e Igdir), conservant lo penjal èst, alara que los penjals sud e oèst demoran territòri turc. La cima del Grand Ararat demorèt en territòri rus alara que lo Petit Ararat formava lo punt d'union de las frontièras entre Pèrsia, Russia e Turquia coneguda coma "frontièra dels tres emperaires". Pel tractat de Moscòu del 16 de març de 1921 entre Russia e Turquia, la plana de l'Aras èra concedida a Turquia. L'acòrdi turc - iranian del 23 de genièt de 1932 concediá a la Turquia una pichona part del penjal oriental. La partida russa demorava dins la Republica autonoma de Nakhtchivan e venguèt territòri d'Azerbaitjan dempuèi 1991.
Referéncias
modificar- ↑ The Heritage of Eastern Turkey: From Earliest Settlements to Islam. Macmillan Education AU, 2006, p. 25. ISBN 1876832053.
- ↑ (fr) Jean-Claude Tanguy, Dominique Decobecq, Dictionnaire des volcans, coll. « Nature », ed. Jean-Paul Gisserot, 2009, paginas 28-29
Ligams extèrnes
modificar
- «Mont Ararat», Gran Enciclopèdia Catalana, Barcelona: Edicions 62, en linha.
- Armenica.org Història
