Maria Assumpció Català i Poch
Maria Assumpció Català i Poch (14 de julhet de 1925, Barcelona - 3 de julhet de 2009, Barcelona) es una astronòma e una matematiciana catalana dau sègle XX.
Jonhèt l'Universitat de Barcelona en 1947 onte estudièt lei matematicas. Diplomada en 1953, comencèt una tèsi que foguèt presentada en 1971. En parallèl, comencèt una carriera de professora dins una escòla publica per ajudar sa familha. Sei recèrcas scientificas comencèron en 1952 amb un pòste d'assistenta a l'universitat. A partir dau fin deis ans 1950, foguèt nomat mai d'un còp cap de divèrsei departaments e ocupèt divèrsei posicions importantas au sen de l'Universitat de Barcelona. Durant sa carriera, s'interessèt a l'astronomia de posicion, ai sistèmas estellars dinamics e au Nívol d'Oort. Participèt tanben a de programas de cooperacion internacionala, especialament ambé França que trabalhèt a l'Institut Henri Poincaré de 1976 a 1979. Foguèt pereu l'autora de plusors libres sus la sciéncia araba medievala.