Lista dels ducs d'Aquitània

Aquò es una lista dels princes, reis e ducs d'Aquitània.

Reis d'Aquitània merovingians

• 584-585 : Gondovald
• 629-631 : Caribèrt II, rei franc, filh de Clotari II, rei dels Francs.
• 660-671/672 : Fèlix

Princes d'Aquitània

• v.671-v.676 : Lop, duc d'Aquitània
• av.718-735 : Eudes d'Aquitània, prince d'Aquitània
• 735-745 : Unald o Unaud I
• 745-768 : Waïfre o Gaïfièr, prince d'Aquitània
• 768-769 : Unald II o Unaud II
• 778 : Corson

Reis d'Aquitània carolingians

• 781-814 : Loís lo Piós, dich lo Bonifaci, rei dels Francs e emperaire d'Occident de 814 a 840, filh de Carlesmanhe
  • 790-806 : Guilhèm d'Aquitània, dich lo Sant, parallèlament Duc d'Aquitània
• 814-838 : Pepin Ièr
• 839-852/854-859 : Pepin II lo Jove
• 855-866 : Carles dich l'enfant, filh de Carles lo Calv.
• 867-877 : Loís II lo Quèc, fraire del precedent
• 880-882 : Carloman II, filh del precedent
• 882-980 : pas de reis d'Aquitània particulars mas de reis francs que se titolavan de còps reis dels Francs e dels Aquitans. Sembla que Ramnulf II, filh de Ramnulf Ièr de Peitieus, comte de Peitau e rèirefelen del rei d'Aquitània Pepin Ièr d'Aquitània, aguèsse pretendut al tròn aquitan en 888-889, en seguida de la mòrt de l'emperaire Carles lo Gròs.
• 980-982 : Loís III, futur rei de França jol nom de Loís V, filh del rei dels Francs Lotari.

Ducs d'Aquitània diches Guilhemids

• 909-918 : Guilhèm I^èr lo Piós
• 918-926 : Guilhèm II lo Jove
• 926-927 : Acfred
• 927-932 : Ebles Manzer
• 932-v.942 : Raimon Ponç, comte de Tolosa

Ducs d'Aquitània e comte de Peitieus (los comtes de Peitieus prenon lo títol de duc dels Aquitans sonque a partir de 965, çò que descala d'un numèro la numerotacion tradicionala dels ducs d'Aquitània. Guilhèm IV Fièrabraç es en fach Guilhèm III e atal en seguissent... Mas per una melhora compreneson, avèm gardat aicí la numerotacion tradicionala, quitament s'es falsa):

• v.965-996 : Guilhèm IV FIèrabras, filh de Guilhèm "Cap d'estopa", comte de Peitieus
• 996-1030 : Guilhèm V lo Grand, filh de Guilhèm IV
• 1030-1038 : Guilhèm VI lo Gròs, filh de Guilhèm V
• 1038-1039 : Eudes, filh de Guilhèm V e frairastre del precedent
• 1039-1058 : Guilhèm VII Aigret, filh de Guilhèm V e frairastre dels precedents
• 1058-1086 : Guilhèm VIII lo Venerable, filh de Guilhèm V e fraire del precedent
• 1071-1127 : Guilhèm IX lo Jove, filh de Guilhèm VIII, escais modèrne: "lo trobador"
• 1126-1137 : Guilhèm X lo Paladin, filh de Guilhèm IX
• 1137-1204 : Alienòr d'Aquitània, filha de Guilhèm X
• 1137-1152 : Loís VII, rei dels Francs, maridat amb Alienòr,
• 1152-1169 : Enric II Plantagenèst, rei d'Anglatèrra, duc de Normandia e comte d'Anjau
• 1169-1196/1198-1199 : Ricard Còr de Leon
• 1196-1198 : Oton de Brunswick o Eudes de Brunswick, nebot de Ricard Còr de Leon. Venguèt l'emperaire Oton IV.

Reis d'Anglatèrra - ducs d'Aquitània o de Guiana: Guiana es una deformacion populara del mot Aquitània que passèt per l'estadi "Aguiaina" als sègles XII e XIII, la "A" iniciala desapareguèt pauc a pauc (aferèsi). Guiana es la forma que foguèt mai utilizada e populara per las populacions localas del sègle XIII al sègle XVIII. Aquitània apareissiá coma un tèrme arcaïzant e mai cultivat.

• 1199-1216 : Joan sens Tèrra
• 1216-1272 : Enric III
• 1272-1307 : Edoard Ièr
• 1307-1325 : Edoard II
• 1325-1362/1372-1377 : Edoard III, solament duc d'Aquitània de 1325 a 1327, data de son accession al tròn d'Anglatèrra. Titolat "senhor d'Aquitània" a partir de 1360 (Tractat de Brétigny), instituiguèt Aquitània coma principautat per son filh lo Prince Negre:
• 1362-1372 : Edoard "IV" o Edoard de Woodstock, prince d'Aquitània e de Galas, dich dempuèi lo sègle XVI lo Prince Negre
• 1377-1390/1397-1399 : Ricard II de "Bordèu", balha en 1390 lo ducat d'Aquitània a son oncle Joan de Gand que l'abandona en 1397:
• 1390-1397 : Joan de Gand
• 1399-1413 : Enric IV
• 1413-1422 : Enric V, titolat duc d'Aquitània e prince de Galas tre 1400,
• 1422-1453 : Enric VI

En 1469, lo rei de França Loís XI recreèt lo ducat d'Aquitània o de Guiana per son fraire cabdèt Carles de França que moriguèt en 1472 :

• 1469-1472 : Carles de França (1446-1472)

1753–1754 : Xavièr de França (1753-1754), felen del rei Loís XV de França e fraire ainat de Loís XVI, Loís XVIII e Carles X. Titolat per son grand a la naissença, mòrt quand aviá cinc meses.

Títol de cortesiá

1972–2000 : Gonzalve de Borbon (1937-2000), filh cabdèt del pretendent legitimista al tròn de França Jacme Enric de Borbon, « duc d'Anjau e de Segòvia ». Titolat per son paire lo 21 de setembre de 1972. Lo títol es encara portat per sa veusa, Emanuela Pratolongo (nascuda en 1960).