Enric V d'Anglatèrra

Enric V d'Anglatèrra (16 de setembre de 1386 - 31 d'aost de 1422) foguèt rèi d'Anglatèrra de 1413 a sa mòrt. Succediguèt a son paire Enric IV (1399-1413) e foguèt remplaçat per son fiu Enric VI (1422-1461 puei 1470-1471).

Retrach d'Enric V.

Cap militar experimentat après una tièra de guèrra còntra de revòuta de senhors feodaus durant lo rèine de son paire, decidiguèt d'acomençar tornarmai la Guèrra de Cent Ans còntra França. Venceire a Azincourt en 1415, capitèt d'aprofichar la foliá dau rèi francés Carles VI (1380-1422) e la guèrra civila entre Armanhac e Borgonha per prendre lo contraròtle dau nòrd de França. En 1420, aliat au duc de Borgonha, capitèt d'obtenir la signatura dau tractat de Troyes que donèt la corona de França a son fiu Enric VI après la mòrt de Carles VI. Pasmens, la mòrt sobda en 1422 entraïnèt la revirada d'aqueu projècte car son fiu èra encara un enfant.