Linha C dels trens de banlèga de Tolosa

Linha C
La linha C en direccion de l'estacion Arenas.
Lo traçat de la linha en occitan
Malhum	Trens de banlèga de Tolosa TER d'Occitània
Obertura	Junh de 1993
Darrièra extension	1èr de setembre de 2003
Terminus	Arenas Colomèrs Gara SNCF
Espleitador	SNCF Tisséo (estacions e bus relais)
Conduita (sistèma)	Conductor
Material utilizat	X 73500, AGC (B 81500) e Régiolis
Punts d'arrèst	6
Longor	7 km
Temps de percors	15 min
Distància mejana entre punts d'arrèst	1400 m
Comunas desservidas	2 (Tolosa, Colomèrs)
Jorns de foncionament	Totes los jorns
Frequentacion (mej. per an)	610 676 (2016)
Linhas connèxas

La linha C dels trens de banlèga de Tolosa es una linha de trens urbans, espleitada sus una seccion de la linha de Sent Anha a Aush. La linha es espleitada per la SNCF dins l'encastre dels TER d'Occitània e es integrada al malhum de Tisséo e son tarificament.

Istòria

La linha C es nascuda lo 26 de junh de 1993, conjuntament a l'inauguracion de la linha A del mètro. La linha figura dempuèi aquesta data sus las mapas del malhum de transpòrts en comun tolosenc, la Semvat puèi Tisséo. L'ofèrta de servici aviá çaquelà pas estat modificada : lo tèrme «linha C» designava unicament, a l'epoca, l'acòrdi tarifari entre los dos malhums.

Doas augmentacion d'ofèrta foguèron mesas en plaça mantunas annadas après, per la creacion dels primièrs trens afectats a la linha C, mes en plaça entre Arenas e Colomèrs unicament, ambe arrèst a las Capelas.

En setembre de 2003, un melhorament màger de l'infrastructura foguèt mes en servici, qu'a donat a la linha C son imatge actual. Après doas annadas d'interrupcion totala de trafic en estiu, per permetre la realizacion dels trabalhs, la via foguèt doblada parcialament entre Sant Çubran – Arenas e Colomèrs e tres estacions suplementàrias foguèron creadas : Lo TOEC, Sent Martin de Toish e Ramassièrs. La grilha orària foguèt revista a l'ocasion, prepausant dempuèi aquesta data un doble cadenciament a la mieja-ora en setmana.

Percors

Traçat

Longa de 7km, la linha C compta sièis estacions dempuèi Arenas (Tolosa), a l'èst, fins a la gara de Colomèrs, a l'oèst.

Son trajècte debuta al nivèl de la gara de Sant Çubran – Arenas, a l'oèst de Tolosa, en correspondéncia ambe la linha A del mètro e las linhas T1 e T2 del tramvai. Desservís alara lo quartièr de las Arenas e lo licèu de las Arenas, atal que lo Zénith de Tolosa Metropòli se troba a proximitat de l'estacion. La linha contunha après son trajècte cap a l'oèst, bordejant lo tramvai e passant a costat de l'ipodròm de la Cepèira, abans d'arribar sus la gara del TOEC. La linha passa alara al dessús del periferic de Tolosa e atenh la gara de Lardèna, puèi contunha son camin cap a la gara de Sent Martin de Toish. Los trens passan après jos la rocada D980 bordejan d'entrepresas aeronauticas de Sent Martin de Toish, e arriban sus la gara dels Ramassièrs, primièra gara situada parcialament sul territòri de la comuna de Colomèrs. Enfin, la linha termina son trajècte en bordejant l'avenguda Georges Sand e arriba sus la gara de Colomèrs, cap occidental de la linha.

Lista de las estacions

Afichatge en francés de las estacions dins un tren omnibus afectat a la linha C.

			Estacion	Coordenadas	Comuna	Correspondéncias Tisséo	Ret Arc-En-Ciel / TER
	■		Arenas	43° 35′ 36″ N, 1° 25′ 07″ E	Tolosa	L2​L3​​​​​​​​​​​​​​ 14​34​67​Stadium​​​​​​​​​​​​	305 21 (Matabiau - Aush)
	•		Lo TOEC	43° 35′ 44″ N, 1° 24′ 05″ E	Tolosa	L2​​​​​​​​​​​​​​​
	•		Lardena	43° 35′ 48″ N, 1° 23′ 03″ E	Tolosa	46​​​​​​​​​​​​​​​	21 (Matabiau - Aush)
	•		Sent Martin de Toish	43° 35′ 59″ N, 1° 22′ 18″ E	Tolosa
	•		Los Ramassièrs	43° 36′ 09″ N, 1° 21′ 11″ E	Tolosa e Colomèrs	32​63​​​​​​​​​​​​​​
	■		Colomèrs Gara SNCF	43° 36′ 13″ N, 1° 20′ 02″ E	Colomèrs	L2​​​​​​​​​​​​​​​ 21​32​55​150​​​​​​​​​​​​	305, 343 21 (Matabiau - Aush)

Infrastructura

Linha non-electrificada, a 2/3 en dobla via, en simple via de cada costat de la gara de Lardèna (entre lo pont sul periferic e lo pont sul Toish).

Sistèma de regulacion BAPR, vitessa limitada a 100km/h.

• 5 cais gara de las Arenas, dont 1 en terminus.
• 3 cais gara de Colomèrs, dont 1 en terminus.
• 2 cais garas dels Ramassièrs, de Sent Martin de Toish e del TOEC.
• 1 cai gara de Lardèna.

Particularitats

Los trens circulan à drecha e pas a esquèrra sus la seccion a dobla via entre las garas de Colomèrs e de Lardèna.

Entre Lardèna e las Arenas, malgrat la seccion a dobla via, totes los trens circulan sus la meteissa via, a l'excepcion d'aquels en direccion e cap a Aush o L'Isla de Baish desservissent pas lo TOEC.

Espleitacion

Los trens circulant sus la linha C son espleitats per la SNCF jos l'autoritat de la region Occitània, dins l'encastre del malhum TER d'Occitània.

La linha C es desservida per :

• de trens « dedicats », efectuant unicament de rotacions entre Tolosa (estacion Arenas) e la gara de Colomèrs.
• los trens en passatge efectuant la ligason de Tolosa a L'Isla de Baish o Aush, qu'an majoritàriament per origina o destinacion Tolosa Matabiau.

Material rotlant

Los trens los mai sovent utilizats pels trens dedicats a la linha C son de Régiolis e d'AGC de tipe B 81500.

Los autres trens son egalament de Régiolis e d'AGC de tipe B 81500, e de X 73500 a mantun elements.

Ofèrta de servicis

Frequéncia e amplitud

La linha C benefícia del cumul de doas ofèrtas de servici :

• los trens regionals de la linha Tolosa - Colomèrs - Aush, relation no 16 del malhum TER d'Occitània, ne desservissent que pontualament Lardèna. Frequéncia d'environ 30 minutas a 1 òra ;
• los trens afectats a la linha C, desservissent totas las estacions. Frequéncia de 30 minutas en òra d'afluéncia d'una òra en òras calmas.

Las frequéncias son reduchas las dimenjadas e jorns feriats.

Los trens circulan de 6h a 21h40.

Tarificament

La linha C es accessible per dos tarificaments :

• lo tarificament urban Tisséo, rendent las correspondéncias ambe las linhas de mètro, tramvai, BHNS e bus sens suplement de prètz ;
• lo tarificament estandard dels TER d'Occitània (SNCF), tarificament kilometric, podent èsser integrada a un percors mai lòng.

Trafic e projèctes

En 2004, lo trafic de la linha C, seguida a las amelioracions de 2003, passèt d'environ 7 000 passatgièrs a 38 000 passatgièrs per mes.

Acabament del doblament de la via ferrada

L'acabament de la dobla via ferrada es a l'estudi, sus 1800 mètres entre las PK 10,940 e 12,800. Aquesta operacion s'acompanhariá de la supression dels passatges a nivèl n°15 (Lardèna) e 16 (Sent Martin del Toish) per obratge desnivelat, del reamainatjament de la gara de Lardèna e de l'alongament dels cais en fonccion del material rotlant.

Espandiment de la linha

Es de còps evocat l'oportunitat d'espandir lo dispositiu d'acòrd tarifari cap a Tolosa Matabiau d'un costat, e Brats Legavin de l'autre.

Correspondéncia ambe la tresena linha de mètro

Article detalhat: Projècte de tresena linha del mètro de Tolosa.

La tresena linha de mètro deu aver son terminus a la gara de Colomèrs.

Nòtas e referéncias

• (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Ligne C du réseau de transports en commun de Toulouse ».

Vejatz tanben

Articles ligats

• Transpòrts en comun de Tolosa
• TER d'Occitània
• Linha de Sent Anha a Aush

Ligams extèrnes

• (fr) La linha sul sit de Tisséo
• (fr) Sit dels TER d'Occitanià