La Mal Coiffée
La Mal Coiffée (valent a dire en occitan La Mal Penchenada) es un grop musical lengadocian, basat dins Aude e dins Erau.
Composicion
modificarAqueste grop vocal es compausat de quatre femnas del país de las Corbièras (Myriam Boisserie, Marie Coumes, Laeticia Dutech e Karine Berny). Lor repertòri, fargat a partir de, coma o dison elas, "cançons lengadocianas de las vinhas e dels bistròts", es en lenga occitana. Lo quartèt canta de tèxtes occitans tradicionals e de poesias en lor portant una tòca personala amb l'ajuda de Laurent Cavalié (Du Bartàs), e amb per sol acompanhament de percussions.
Viradas e espectacles
modificarLo grop s'es produch dins de festenals nombroses de l'estat francés (Vieilles Charrues, Les Suds, Jeudis de Perpinhan, Festenal Occitània de Tolosa, rencontres de Cants Polifonics de Calvi, Babel Med Music a Marselha, Voix d'été en Cròsa, ...) e sus mai d'un empont (Le Nouveau pavillon de Bouguenais, ...). Tanben an fach una virada en Mongolia en agost de 2008 amb l'associacion dels "Champs de l'homme".
Son passadas sur France 2 dins l'emission Tenue de soirée, en dirècte de Montpelhièr, lo 27 d'octobre de 2007 e faguèron de concèrts durant los estius de 2010, 2012 e 2022 dins l'encastre de l'Estivada de Rodés.
Discografia
modificar- Polyphonies occitanes (2007)
- A l'agacha (2008)
- Òu ! Los òmes ! (2011)
- L'embelinaire (2013)
- ... E los leons (2020)
- Roge (2021)
- Roge caparrut (2022)
