Dobrir lo menú principal
Retrach de Justin Besson

L’abat Justin Besson (Mejalanon, 30 d'octobre de 1845 - Vilafranca de Roergue, 29 d'octobre de 1918) foguèt un dels escrivans occitans mai importants del país avaironés. Es conegut subretot gràcias a la sia òbra màger Dal brèç a la tomba, un poèma epic de dotze cants publicat en 1892.

La vida de l'abat BessonModificar

 
Cobèrta de la 4a edicion (1919) Dal brèç a la tomba

Justin Besson nasquèt en 1845 a Mejalanon, masatge de la comuna de Sant Salvador. Èra l'oiten mainatge d'una familha pagesa plan religiosa que comptava nòu enfants. Visquèt al campèstre abans de dintrar quand faguèt sos dotze ans al seminari de Rodés. Comencèt a escriure de cançons en occitan quand aviá tretze ans. En 1871, aprèp que foguèsse ordenat prèstre, aguèt per primièra parròquia Sant Genièis d’Òlt. Aprèp mantas afectacions divèrsas, mudèt a Sant Andriu de Najac. Prenguèt la retirada en 1907 e anèt viure a Rodés.

Comptava entre sos amics los escrivans Arsèni Vermenosa, Antonin Perbòsc e Prospèr Estieu. Collaborèt fòrça temps al Journal de l'Aveyron. Son òbra foguèt una inspiracion per fòrça escrivans del país roergàs coma per exemple Enric Molin o Eugèni Seguret. Se moriguèt en 1918 a Vilafranca de Roergue en cò de sa sòr.

BibliografiaModificar

  • Dal brèç a la tomba (D'al brès a la toumbo)
  • Contes de la tatà Mannon (Countes de la tata Mannou)
  • Contes de l’oncle Joanet (Countes de l'ouncle Janet)
  • Bagateletas (Bagateletos)
  • Besucarietas (Besucarietos)
  • Lyre et Guitare
  • Vespradas de l'oncle Polita (Besprados de l'ouncle Polito)


Ligams extèrnesModificar