Prospèr Estieu

Prospèr Estieu (Fendelha, Lauragués, 7 de julhet de 1860 - Pàmias, 11 de decembre de 1939) foguèt un escrivan, jornalista e subretot poèta occitan, activitats que portèt a mai de sa profession de regent. Es un personatge fòrça important dins la recuperacion de la grafia occitana modèrna qu'es a partir de son escritura e d'Antonin Perbòsc que s'establiguèron las fondamentas de la grafia elaborada e divulgada per Loís Alibèrt mai tard.

Prospèr Estieu

Biografia
Naissença	7 de julhet de 1860 Fendelha
Mòrt	11 de decembre de 1939  (79 ans) Pàmias
Foncions Síndic (ca) maintenance du Languedoc du Félibrige (fr) 1903 – 1905 ← Hippolyte Messine (en) – Joan Fornèl → Majourau dóu Felibrige 1900 – 1937 ← Alexandre Langlada
Donadas personalas
Nacionalitat	Francesa
Activitat
Profession	poèta e mestre d'escola rural (ca)
Movement	Felibritge e Occitanisme
Prèmis
Cavalièr de la Legion d’Onor
Signatura

Prospèr Estieu a la fin del sègle XIX (per Eugèni Trutat)

Retrach de Prospèr Estieu dins l'Istòria del Felibritge de G. Jordana)

Biografia

Prospèr Estieu nasquèt a Fendelha en 1860 dins una familha pagesa paura de Lauragués. Anèt al collègi a Castèlnòu d'Arri puèi al petit seminari de Carcassona abans de dintrar a l'Escòla Normala de la vila. De jove fondèt una revista de poesia Poésie moderne que i collaborava amb son amic August Forés. Trabalhava coma regent dempuèi 1879. En 1892 creèt l'Escòla Audenca a Carcassona. Fondèt tanben la revista Montsegur. Amb lo catalan Josep Aladern foguèt codirector de la revista Occitania.

Son òbra coneguèt una influéncia fòrta del romantisme e subretot de las òbras de Victor Hugo. La reforma ortografica que prepausèt amb Perbòsc s'enfrontèt a una oposicion ostila del felibritge provençal. Prenguèt sa retirada a Castèlnòu d'Arri en 1923 e ailà creèt los Grilhs del Lauragués. Demest sas autras contribucions a la causa occitana cal citar la creacion del Coletge d'Occitania en 1927.

Òbras

• Lou Terradou, Sounets lengodoucians (1895)
• Bordons pagans (1899)
• Bordons Biblics
• Flors d'Occitania (1906)
• La Canson Occitana (1908)
• Lo Romancero Occitan (1912)
• Lo Flahut Occitan (1926)
• Las Oras Cantairas (1931)

Ligams extèrnes

• Lou Terradou a Archive.org