Joan Luc Modenc
| Joan Luc Modenc | |
 Joan Luc Modenc a Tolosa, en març de 2008. |
|
| Foncions | |
|---|---|
| Cònsol màger de Tolosa | |
| En foncion dempuèi lo 4 d'abril de 2014 | |
| Predecessor | Pèire Cohen |
| 6 de mai de 2004 – 21 de març de 2008 | |
| Predecessor | Felip Douste-Blazy |
| Successor | Pèire Cohen |
| Deputat de la 3e circonscripcion de la Nauta Garona | |
| 20 de junh de 2012 – 10 d'abril de 2014 | |
| Élection | 17 de junh de 2012 |
| Predecessor | Pèire Cohen |
| Biografia | |
| Nom de naissença | Joan Luc Modenc |
| Data de naissença | 19 de julhet de 1960 |
| Luòc de naissença | Tolosa (Nauta Garona) |
| Partit politic | LFA |
| Diplomat de | Universitat de las sciéncias socialas de Tolosa |
modificar  |
|
Joan Luc Modenc (en francés: Jean-Luc Moudenc; nascut le 19 de julhet de 1960 a Tolosa) es un òme politic francés. Membre ancian de l'UMP, es cònsol màger de Tolosa dempuèi 2014, e le fosquèc un prumièr còp de 2004 a 2008. D'autra banda, fosquèc deputat de la tresena circonscripcion de la Nauta Garona de 2012 a 2014.
Percors escolar
modificarSon enfància se debana a Tolosa, es escolan al licèu polivalent del Miralh-Riba gaucha. Son bachelerat de letras en pòcha, entra a l’Universitat de las Sciéncias socialas e obten un DESS en drech del trebalh e gestion del personal. pendent sos estudis, es president de la mutuala estudianta SMESO.
Entrada en politica
modificarA la fin de 1977, Joan Luc Modenc s’engatja en politica. A pas que 17 ans quand adèra al Centre dels democratas socials (CDS). Puèi en 2002, rejonh l’UMP que fedèra los corrents d’idèas de las tres grandas familhas de la Dreta e del Centre. Aparten a la tendéncia centrista e umanista. En decembre de 2010, pren la presidéncia de l’UMP de Nauta Garona[1].
Purmièrs mandats
modificarEn 1987, ven conselhièr municipal de Tolosa sus la lista de Domenge Baudis qu'es còncol màger de Tolosa. Es cargat de las « Relacions damb las associacions estudiantas »[2].
En 1992, ven lo mai jove conselhièr regional de Miègjorn-Pirenèus sus la lista de Marc Censi. Lança le « Plan Universitat 2000 » que permet la reconversion de l’ex-manufactura dels tabacs, les Instituts universitaris professionalizats de l’Universitat Pau Sabatièr, l’extension de l’Institut nacional de las sciéncias aplicadas (INSA) e l’implantacion de l’escòla d’agricultura. Participa tanbens a l’elaboracion del classament del Canal del Miègjorn a l’Unesco[3].
En 1994, es elegit conselhièr general del Canton de Tolosa-9 (qu'englòba les quartièrs de Sauze Long, del Pont de las Domaisèlas, de Montaudran e de la Terrassa, e tanbens la comuna de Ramonvila). Ven lo mai jove conselhièr general de Nauta Garona. En 2001, es reelegit al conselh general damb 57% dels vòtes e demissiona de son mandat regional.
En 1995, es reelegit sus la lista de Domenge Baudis que li confia alavetz la delegacion dels desplaçaments urbans. Vendrà le president de la Semvat, entitat que gerís los transpòrts de l’aglomeracion tolosana.
De 1998 a 2001, es vicepresident del SMTC, le Sindicat mixte dels transpòrts en comun que ven pus tard Tisséo, e impulsa l’elaboracion del Plan de desplaçaments urbans qu'estructura le desvolopament dels transpòrts de l’aglomeracion de 2001 a 2012. Menarà tanbens le projècte de creacion de Linha B del mètro de Tolosa e aviarà las òbras de la Linha T1 del tramvia de Tolosa.
En 2001, ven tresen adjunt cargat dels desplaçaments urbans, de l’urbanisme e supervisa mantuna operacion d’urbanisme coma le Val de Limairac, los Ponts Bessons, Jòb, l’avenguda de Lombèrs e impulsarà les projèctes de la Cartochariá, de Montaudran, de Niel e de Bòrdaroja nòrd.
Purmièr mandat de cònsol màger de Tolosa
modificar
Le 6 de mai de 2004, Joan Luc Modenc es elegit cònsol màger de Tolosa, en seguida de la demission de Felip Douste-Blazy, apelat al govèrnament.
Dins le domeni social opèra un quasi-doblament del Grand projècte de vila pels quartièrs en dificultat, damb una prioritat a la renovacion escolara e a la construccion de grépias e d’equipaments de quartièrs. La carrièra d'Alsàcia-Lorrena ven pietona e una mai granda plaça a las bicicletas es faita al centre vila[4].
Instaura la mesa a disposicion de bicicletas en liure-servici dins totis les quartièrs tolosencs : Vélô Toulouse[5].
Dins le domeni culturel, inaugura le museum d’istòria naturala renovat, la Ciutat de l'espaci agrandida, l'Ostal d'Occitània. En 2007, inicia le demainatjament del Parc de las exposicions e la transformacion de l’Illa del Ramièr en « illa dels lésers » e l’amainatjament de las ribas de Garona pels pietons-cicles.
Al purmièr torn de las municipalas de 2008, Joan Luc Modenc obten 42,60% dels vòtes. Al segond torn, realiza una marca de 49,58% e pèrd l'eleccion[6].
Ven conselhièr municipal, puèi conselhièr comunautari a la comunautat urbana del Grand Tolosa a partir de febrièr de 2009. ven lo leader de l'oposicion municipala sus la vila de Tolosa.
Deputat de Nauta Garona
modificarEn octobre de 2011, Joan Luc Modenc anóncia sa candidatura a las eleccions legislativas dins la Tresena circonscripcion de la Nauta Garona. Afronta 12 candidats, dont le cònsol de Balmar, Alain Fillola e François Simon (aligança PS e Verds). L’empòrta damb 50,41% dels vòtes al segond torn fàcia a François Simon[7].
A l’Assemblada nacionala, a un sèti a la Comission del Desvolopament durable e de l'Amainatjament del territòri. Es tanbens vicepresident dels gropes d’estudis « industria aeronautica » e « vilas e banlègas » e es membre dels gropes d’estudis sus « las lengas regionalas » e sus « las vias navigablas e transpòrts multimodals/canals ».
Es vicepresident del grop d’amistat França-Espanha e secretari del grop d’amistat França-Israèl[8].
En seguida de son eleccion a la comuna de Tolosa, demissiona de son mandat de deputat, provocant atal una eleccion parciala a la quala Laurença Arribagé, sa supleanta a l'Assemblada nacionala, es candidata[9].
Segond mandat de cònsol màger de Tolosa
modificarSe pòrta candidat a la comuna de Tolosa en 2014, menant una lista UMP-MoDem-UDI. En despièit de marrits sondatges, sa lista arriba largament en tèsta al purmièr torn, damb 38,2 %, contra 32,3 % per la del cònsol màger sortent socialista, Pèire Cohen, al qual fasiá ja fàcia en 2008. La lista que mena rempòrta le segond torn damb 52,06 % dels vòtes fàcia a la de Pèire Cohen, que n'obten 47,94 %[10]. Tolosa es atal la pus granda vila reconquesa per la dreta. Joan Luc Modenc es formalament elegit cònsol màger le 4 d'abril de 2014, a l'ocasion de la purmièra reünion del novèl conselh municipal.
Distincions
modificar- Cavalièr de la Legion d’Onor[11]
- Comandaire de l’Òrdre del Meriti civil espanhòl[12]
Nòtas e referéncias
modificar- ↑ Joan Luc Modenc al scanner
- ↑ Joan Luc Modenc braç drech de Felip Douste Blazy elegit cònsol màger de Tolosa
- ↑ Joan Luc Modenc
- ↑ Lo grand retorn de la carrièra Alsàcia
- ↑ Vélo Toulouse c'est parti
- ↑ Resultats municipalas 2008
- ↑ Resultats legislativas Tolosa
- ↑ Comission del desvolopament durable e de l'amainatjament del territòri de l'Assemblada nacionala
- ↑ Le cònsol màger de Tolosa Joan Luc Modenc demissiona de son mandat de deputat, Le Point, 10 d'abril de 2014.
- ↑ Joan Luc Modenc repren la vila de Tolosa
- ↑ Louis Lareng decòra Joan Luc Modenc
- ↑ Le Capitòli festeja Juan Carlos
Vejatz tanbens
modificarArticles connèxes
modificarLigams extèrnes
modificar
| Precedit per Felip Douste-Blazy |
.svg){kind=small} cònsols màger de Tolosa 2004 - 2008 |
Seguit per Pierre Cohen |
| Precedit per Pierre Cohen |
cònsols màger de Tolosa 2014 - 2020 |
Seguit per - |