Igor de Kiev
Igor de Kiev (vèrs 878 - 945, Iskorosten) es un prince de la Rus' de Kiev que reinèt vèrs 912-945. Succediguèt a Oleg lo Savi (879-912) e foguèt remplaçat per Olga de Kiev (945-962). Contunièt la politica de son predecessor en menent de campanhas militaras per estendre lo territòri kievian. Deguèt ansin luchar còntra leis incursions dei nomadas de l'estèpa (Comans e Pechenegs). En parallèl, assaièt d'atacar Constantinòble mai sa flòta foguèt batuda per de naviris bizantins equipats dau fuòc grèc. Pasmens, capitèt de restaurar la patz en gardant la màger part deis avantatges obtenguts per lei Rus' en 911. Foguèt tuat en 945 durant una campanha per prelevar un tribut sus lei Drevlianas. Sa femna Olga assegurèt alora la regéncia fins a sa mòrt.