Gregòri lo Teologian
Gregòri lo Teologian (329 - 390) foguèt un teologian crestian.
Nascut dins una familha crestiana, anèt d'estudiar a Alexàndria e a Atenas onte venguèt amic ambé Basili de Cesarèa, autre teologian crestian major dau sègle IV ap. JC. Ordonat evesque de Sasimes, poguèt pas s'i establir e venguèt lo premier evesque auxiliari de la Glèisa. Après la mòrt de son paire, se retirèt per menar una vida cenobitica. Pasmens, acceptèt de venir a Constantinòble per participar a la lucha còntra l'arianisme e amaisar lei tensions au sen dau clergat roman. L'emperaire Teodòsi Ièr l'impausèt coma evesque de Constantinòble mai Gregòri desmissionèt rapidament.
Regardant son òbra teologica, defendiguèt la plaça dau Sant Esperit dins la teologia e seis escrichs foguèron rapidament traduchs en latin. Aguèron una influéncia importanta sus la definicion de la Trinitat tant per la Glèisa d'Orient que per la Glèisa Catolica. Lei doas glèisas lo consideran coma un sant e en 1578, lo papa Piu V lo reconoguèt coma Doctor de la Glèisa.