Basili de Cesarèa
Basili de Cesarèa (329 - 1èr de genier de 379, Cesarèa) foguèt un teologian e un ascèta crestian considerat coma un Paire de la Glèisa.
Fondator d'un monastèri dins la region dau Pònt, foguèt l'autor d'una règla coneguda coma la « règla de Sant Basili » qu'es venguda la règla monacala de la Glèisa d'Orient. Sa nòrma inspirèt tanben en partida la règla de Sant Beneset dins l'Occident catolic. En mai d'aquò, vengut evesque de Cesarèa en 370, creèt d'institucions per luchar còntra lei faminas. Au nivèu teologic, foguèt un defensor de la fe de Nicèa e s'opausèt a l'arianisme. Sei trabalhs principaus se concentrèron sus l'estudi dau Sant Esperit e sus lo desvolopament de la teologia de la Trinitat.
Es considerat coma un sant tant per la Glèisa Catolica (2 de genier) que per la Glèisa Ortodoxa (1èr de genier). En 1568, foguèt tanben reconeguda coma Doctor de la Glèisa per lo papa Piu V.