Discussion Utilizaire:Jiròni : Diferéncia entre versions

Adiu Jiròni. T'escrivi perqué ès pus ancian que ieu dins Wikipèdia. A temps passat se decidiguèt de separar las comunas dels Pirenèus Atlantics en Comunas deus Pirenèus Atlantics en Bascoat e Comunas deus Pirenèus Atlantics en Bearn. Lo Bascoat es definit siá per la comunautat d'aglomeracion, siá per las tres províncias de Labord, Baisha Navarra e Sola. Sai pas per quina rason faguèron atal, perqué en realitat i a de comunas gasconas (de còps mixtas recentament, coma BAB, o benlèu pus ancianament) que vestiguèron de l'infobox verda o que classèron en Bascoat. De còps l'infobox es occitana, d'autres còps es basca (ex : [[Gestars]]). Me sembla pas una bona idèia d'abandonar nòstres compatriòtas, mès vòli pas anar contra de decisions collectivas. Prepausi 3 categorias :1) Bascoat, 2) Bearn, 3) autas comunas gasconas e prepausi tanben de botar sistematicament l'infobox occitana per las comunas gasconas (aquel punt es sense problèmas perqué las que son vestidas de verd son paucas). Qué ne pensas ? Doble d'aquel messatge mandat a Joan Francés Blanc. Amistats. [[Utilizaire:Sivadon 1949|Sivadon 1949]] ([[Discussion Utilizaire:Sivadon 1949|d]]) 20 març de 2021 a 01.13 (UTC)
:Adiu Jiròni. Mercés per ta responsa. I a qualques precisions a donar. Quand dises que Bearn es en Gasconha, es dins un sens lingüistic. Mès, Bearn, Roergue, Agenés, Gasconha, Guiana, Lengadòc son (s'òm vòl èsser precís) de nocions istoricas, pas de nocions lingüisticas. Cap autoctòn de Caors, Montalban, Sarlat o Orlhac acceptariá d'èsser qualificats de lengadocian. Caors, Montalban son en Carcin e en Guiana, Sarlat en Perigòrd e tanben en Guiana, Orlhac en Auvèrnhe (e Bordèu en Guiana, mès Vasats en Gasconha). Nos vendriá pas a l'idèa de plaçar lo Portal Lengadòc a Sarlat. Après, i a d'identitats istoricas fòrtas e d'identitats flacas. Per demorar en terrenh conegut, Perigòrd es una identitat istorica fòrta e sa division en doás diocèsis entre 1317 e 1790 empachèt pas la nocion de viure. A costat, Agenés es una identitat flaca. Mès, Bearn, precisament perqué èra pas en França, mès en Navarra, es una identitat fòrta. Pòt pas èsser question de lo negar dins un ensemble gasconofòn. Es justament pr'amor d'aquela fòrta identitat que los bearneses fan pas tròp cas de las comunas gasconas que son pas bearnesas dins lo departament. Se'n chautan. Joan de Gastellú-Sabalòt èra pas de Bearn, mès de Sola; solament, coma l'oposicion locala es entre basques e bearneses e que i a pas de diferéncia entre lo parlar de son vilatge e lo de las comunas a costat, segur que parlava bearnés. Tanben un abitant de Lausun o de Sèishas (47) parla perigòrd : i a pas de diferéncias importantas ambe'l parlar de Brageiragués, mès si que n'i a una de fòrta ambe'l gascon de Marmanda. D'un punt de vista practic, per totas las comunas situadas entre lo basque e lo gascon, i a sovent un paragrafe clar e net sus Wp.fr : Patrimoine linguistique, ambe de precisions sul parlar a la fin del sègle XIX e al començament del sègle XX https://fr.wikipedia.org/w/index.php?title=Guiche&action=edit&section=48 ; i es pas per Gestars. Serà normalament sufisent per justificar de la natura de l'infobox (o disi perqué un contributor basque mudèt lo roge en verd dins un cas...). Ara, me cal esperar la responsa de Joan Francés. Amistats. [[Utilizaire:Sivadon 1949|Sivadon 1949]] ([[Discussion Utilizaire:Sivadon 1949|d]]) 20 març de 2021 a 15.29 (UTC)
::Adiu Jiròni. Soi obligat d'arrestar Wp pr'amor de maissants. Survelha plan Sénher Oficialament en francés, perqué ara se sentirà liure. Totas mas amistats. [[Utilizaire:Sivadon 1949|Sivadon 1949]] ([[Discussion Utilizaire:Sivadon 1949|d]]) 16 junh de 2021 a 04.09 (UTC)
 
== Rius ==
24 912

cambiaments