Donets

Donets (Severski Donets)
SeverskyDonets2.png
Caracteristicas
Longor	1 053 km
Bacin	98 900 km2
Debit mejan	185 m3⋅s-1
Regim	nivopluvial de plana
Riu
Confluéncia	Don
Geografia
Païses traversats	Russia Ucraïna

Donets o Severski Donets (en rus: Северский Донец ; en ucraïnian : Сіверський Донець ; tanben Donetz) es una ribièra de Russia e d'Ucraïna, afluent en riba dreta de Dòn. Donets es long de 1 053 km. Travèrsa lo sud-oèst de Russia e l'èst d'Ucraïna e drena un bacin d'una superfícia de 98 900 km².

Cors de la ribièra

Donets raja en Ucraïna sus 720 km, mas la font se situa aperaquí 100 km al nòrd de la vila de Belgorod en Russia. Se geta dins Don un pauc al sud del vilatge d'Ost-Donetski tanben en Russia. Donets nais sul plan de la Russia centrala e travèrsa l'óblast de Korsk al sud de la zona de las nautas tèrras a una altitud de 215 m. Arribat a Belgorod, es praticament a la meteissa altitud : sa penda, febla, es de un mètre per quilomètre. Travèrsa lo lac de Petchenihy (86 km²) qu'alimenta la vila de Kharkiv en aiga doça. Raja puèi long dels pueges de Donets puuèi s'escampa dins Don qu'acaba dins la mar d'Azov 150 km en aval.

Afluents

Los afluents pus importants de la ribièra son :

• Korocha (riba esquèrra)
• Vovocha (ukr. Вовча)(riba esquèrra)
• Oskol (riba esquèrra)
• Kazenny Torets (riba drecha)
• Aidar (riba esquèrra)
• Derkol
• Kalitva (riba esquèrra)
• Bistraia (riba esquèrra)
• Lohan (riba drecha)
• Ody (riba drecha)
• Bakhmota

Vilas traversadas

Las aglomeracions pus importantas situadas ssr las ribas son d'amont cap aval :

• Belgorod (Russia)
• Vovtchansk (Ucraîna)
• Chohoiv (Ucraïna)
• Zmiiv (Ucraïna)
• Yzium (Ucraïna)
• Robijne (Ucraïna)
• Lyssytchansk (Ucraïna)
• Sievierodonetsk (Ucraïna)
• Donetsk (Russia)
• Kamensk-Chakhtinski (Russia)
• Ost-Donetski (Russia)

Donets prèp de Kazatcha Gora, dins l'oblast ucraïnian de Kharkiv.

Idrologia

Las aigas de Donets venon en majoritat de las aigas de pluèja e de la fonda de las nèus. Las aigas nautas an luòc en març e subretot en abrial. Son cors es navegable sus 315 km, mas es pres per la glaça de decembre a mi-març.

Idrometria - Lo debit a Bielaia Kalitva

Lo debit de la ribièra foguèt observat pendent 47 ans (periòde 1933 - 1985) a Bielaia Kalitva, vila de Russia situada just en aval del jonhent amb Kalitva, es a dire a qualques 100 quilomètres en amont del jonhent amb Dòn.

A Bielaia Kalitva, lo debit anadièr mejan o modul observat sus aqueste periòde èra de 151 m³/s per una superfícia de drenatge de mai o mens 80 900 km², siá aperaquí 82 % de la totalitat del bacin versant de la ribièra que n'en compta 98 900. La lama d'aiga d'escolament annadièr dins lo bacin se montava a 59 millimètres, çò que pòt èsser considerat coma francament feble, e resulta de la relativa raretat de las precipitacions dins l'ensemble del bacin.

Lo debit mejan mesadièr observat en setembre (minimum d'etiatge) es de 46,5 m³/s, siá mai o mens 8 % del debit mejan del mes d'abrial (577 m³/s), çò que soslinha l'amplitud importanta de las variacions sasonièras. Sus la durada d'observacion de 47 ans, lo debit mesadièr minimal foguèt de 9,78 m³/s en agost de 1972 - après un ivèrn gaireben sens nèu -, mentre que lo debit mesadièr maximal s'enauçava a 2 410 m³/s en abril de 1942.

La selva cobrís las ribas du Donets prèp de Chipilivka

Veire tanben

Ligams extèrnes

• (ru) Le Donets dans la Grande Encyclopédie soviétique