District Evenc

Lo district Evenc (Rus: Эвенки́йский райо́н), o Evenkia (Rus: Эвенкия), es un territòri del krai de Krasnoiarsk, dins la partida russa de Siberia. Sa superfícia es de 762 300 km² çò que ne fa una de las divisions territòrialas mai granda de Russia e del mond. Èra poblat de 16 253 abitants en 2010[1], en majoritat d'origina russa. La vila de Tura (5 535 abitants en 2010) es lo centre administratiu del district e son unica vila.

IstòriaModificar

Lo district foguèt fondat lo 4 de decembre de 2006 e remplaça l'okrug autonòm Evenc.

 
Lo district Evenc dins lo krai de Krasnoiarsk

DemografiaModificar

Evolucion demograficaModificar

Entre 1989 e 2010, lo district a perdut 33,4% de sa populacion a causa d'una emigracion de las fòrtas (-2% per an) que lo creis natural pòt pas compensar. Totun lo taus de natalitat (18.1) despassa largament lo taus de mortalitat (13) e la populacion enregistra cada an un creis natural positiu[2] plan superior a la mejana de Russia.

Populacion urbana, populacion ruralaModificar

Lo district demòra encara largament rural (65,1% segon lo recensament de 2010). De fach, i a una sola vila, Tura, dins lo district, e aquesta recampa 100% de la populacion urbana.

EtniasModificar

Segon lo recensament etnic de 2002, i aviá una majoritat de Russes demest los 17 697 abitants del district.

Etnia
1939 1959 1970 1979 1989 2002
Nombre % Nombre % Nombre % Nombre % Nombre % Nombre %
Evencs 3,721 39.3% 3,474 33.7% 3,207 25.3% 3,239 20.3% 3,480 14.0% 3,802 21.5%
Iacots 713 7.5% 51 0.5% 781 6.2% 822 5.1% 937 3.8% 991 5.6%
Kets 14 0.1% 142 1.1% 154 1.0% 150 0.6% 211 1.2%
Russes 4,675 49.4% 5,975 57.9% 7,732 61.1% 10,400 65.1% 16,718 67.5% 10,958 61.9%
Ucrainians 117 1.2% 196 1.9% 254 2.0% 472 3.0% 1,303 5.3% 550 3.1%
Autres 234 2.5% 610 5.9% 542 4.3% 881 5.5% 2,181 8.8% 1,185 6.7%


LengasModificar

Lo rus es la lenga dominanta del district. Es la lenga mairala de tots los Russes e d'un tèrç de las minoritats. Es tanben una lenga segonda parlada per 20% de la populacion. Malgrat sa cooficialitat l'evenki es largament minorizat.

Etnia % de lenga mairala russa nombre
Russes 100 16 718
Evencs 25,9 901
Ucraïnians 44,4 579
Autres 36 1176
Total 78,2 19 374

Lo rus en 1989

L'evenki èra la lenga mairala de 74,1% dels Evencs en 1989 (2 565 personas) atal coma la lenga mairala de 3 personas d'autras etnias. Al total èra la lenga mairala de 10,4% dels abitants.

Las autras lengas èran parladas coma lengas mairalas per 11,4% de la populacion.

L'ucraïnian èra la lenga mairala de 722 personas.

1491 personas avián una autra lenga mairala (esp. iacot, khaka, ket, tatar e alemand).

FototècaModificar

 
Rota dins lo district Evenc
 
Taiga dins lo district Evenc














ReferénciasModificar

  1. Recensament oficial
  2. Donadas de 2010