Bernard Sicard de Maruèjols
Bernard Sicard de Maruèjols, grafiada a l'epòca Bernart Sicart de Marvejols (fl. 1230), èra un trobador lengadocian originari de Maruèjols en Gavaudan (actualament Losera).
| Nom | (pro) Bernart Sicart  |
|---|---|
| Biografia | |
| Naissença | sègle XIII Maruèjols |
| Mòrt | valor desconeguda |
| Donadas personalas | |
| Nacionalitat | Francesa |
| Activitat | |
| Profession | trobador, poèta, compositor |
 | |
Biografia
modificarLa vida de Bernart Sicart nos es completament desconeguda que pas qu'un sol de sos trabalhs nos pervenguèt, un sirventés titolat Ab greu cossire, que Bernart i comenta la Crosada dels Albigeses e la perda de la cultura occitana que se'n seguèt. Se pensa que lo sirventés, dedicat al sobeiran Jaume I lo conqueridor, foguèt escrich en 1230, pauc aprèp lo Tractat de París. Lo mètre e la melodia del siventés foguèron manlevats al trobador catalan Guilhèm de Cabestanh. Estilisticament seguís lo trabalh de Pèire Cardenal.
Son tèxt es mai que mai una ataca contra los crosats franceses, los òrdres militars del Temple e dels espitalièrs, e los clergues que predicavan la crosada e suportavan lo Papa. Es un planh plen de tristesa tant coma de ràbia e d'aversion, a l'encòp emocionalament intens e fòrça sarcastic. Lo fragment mai conegut de la composicion d'en Bernart es: "Ai, Toloza e Proensa e la terra d'Agensa, Bezers e Carcassey, qui vos vi e quo us vey!"
Fonts
modificar- Riquer, Martín de. Los trovadores: historia literaria y textos. 3 vol. Barcelona: Planeta, 1975.
Veire tanben
modificar
Wikidata: Q1218923
