Òrdre de Sant Joan de Jerusalèm

L’Òrdre de Sant Joan de Jerusalèm, (en latin: Ordo Hospitalis Sancti Johannis Hierosolymitani), foguèt un òrdre religiós catolic espitalièr e militar qu'existiguèt de l'epòca de las crosadas entrò lo començament del sègle XIXen.

Escut de l'Òrdre de Sant Joan de Jerusalèm

Son origina remontariá a la fin del sègle XIen dins l'establiment dels mercants amalfitencs a Jerusalèm e la creacion d'espitals, d'en primièr a Jerusalèm, puèi en Tèrra Santa, d'ont lo nom d'espitalièrs. A la seguida de donacions, van possedir d'establiments, priorats e comandariá dins tota l'Euròpa catolica. Coma los templièrs, assumiguèron rapidament una foncion militara per aparar los pelegrins suls camins de Jerusalèm, puèi per combatre los sarrasins als costats dels francs de Tèrra Santa.