Atemptats de Miègjorn-Pirenèus de març de 2012

Los atemptats de març 2012 a Tolosa e Montalban son une seria d'atemptats en contra de militars franceses, puèi de civils, un adulte e tres enfants, al costat e dedins una escòla josieva que se passèron en març de 2012. Lo Ministèri Public antiterrorista de París s'ocupèt dels afars e dubriguèt tres enquèstas «per de faches qualificats d’assassinat e temptativas d’assassinat en ligam amb una entrepresa terrorista», segon François Molins, lo procuror de París[1].

Atemptats de Miègjorn-Pirenèus de març de 2012

Lo procediment emplegat per cada murtre es identic: cascat, en escotèr, equipat d'una camèra GoPro[2] » amb un pistolet de tipe Colt 45[3] de calibre .45 ACP e un pistolet mitralhaire de tipe Uzi de calibre 9 mm[4]. L’analisa balistica montrèt qu'una de las armas del crime èra la meteissa dins las tres fusilhadas[5]. L'autor dels murtres, Mohammed Merah, foguèt tuat lo 22 de març a l'eissit de l'assalt de son apartament pels policièrs.

Los faches modificar

Assassinat d’un militar a Tolosa modificar

 
Lo modèl d'escotèr du tiraire, un Yamaha TMAX[6].

L'11 de març de 2012, a 16h10[7], Mohammed Merah prononcièt «tuas meus fraires, te tui» e abatèt lo maréchal des logis-chef Imad Ibn-Ziaten del 1èr RTP d'una sola bala dins lo cap sus un parcatge situat davant lo gimnás del Castèl de l'Ers dins lo quartièr de Montaudran, al sud-èst de Tolosa, amb una arma de calibre 45. Lo militar foguèt estat contactat abans pel tuaire dins una anoncia per la venda d’una moto sul site leboncoin.fr ; foguèt abatut al rendètz-vos fixat[8]. De tesmònis apercebèron l'assassin fugissent en escotèr. Ibn-Ziaten foguèt enterrat dimenge 25 de març de 2012 dins lo vilage de M'diq dins lo nòrd de Marròc[9].

Assassinat de militars a Montalban modificar

Lo 15 de març de 2012, a 14h10[10], dos militars, Abel Chennouf, 24 ans, catolic practicant d'origina cabil, e Mohamad Legouad, 28 ans, musulman, son tuats e un tresen, Loïc Liber, 28 ans, es gravament ferit, pendent que retiravan d'argent a un distribuïdor automatic de bilhets situat prèp de lor casèrna a Montalban[11]. Lor assassin arribèt en escotèr, apartèt fèrmament una persona vièlha e tirèt dins lo cap e dins l'esquina de las victimas, prenent lo temps d'acabar una d'aquela tombada pel sòl. Los enquestaires trobèron sus plaça 13 estuges de calibre 45 similars a las municions utilizadas pendent lo primièr murtre[12]. Lo tiraire fugiguèt en escotèr en cridant «Allah akbar»[13].

Tuariá a l’escòla josieva Ozar Hatorah modificar

Un atemptat al colègi-licèu josieu Ozar Hatorah situat carrièra Jules Dalou dins lo quartièr de La Roseda al nòrd-èst de Tolosa se debanèt lo 19 de març de 2012 vèrs 8 oras lo matin.

Un òme que portava una camèra cenchada al pitre[14] arrivèt davant l'escòla sus un escotèr, un Yamaha TMAX[15]. De pé se'n anèt cap al pati. La primièra victima es un rabin e professor de l'escòla, Jonathan Sandler, abatut fòra de l'escòla quand temptava d'aparar del tuaire sos dos mainats, Gabriel, 3 ans, e Aryeh, 6 ans. Las camèras de videovigilància mòstran que lo tuaire assassinèt un dels enfants alara que se rebalava al costat del còs dels sieus paire e fraire. Dintra puèi dins lo pati e perseguís Myriam Monsonégo, la filha del director de l’escòla, Yaakov Monsonégo, 8 ans, la trapa pels pels e punta son pistolet que s'enraia. L'assassin cambia d'arma e tira dans lo tempe de la filhòta a corta portada. Enseguida fugís en escotèr[16]. Pendent l'ataca, lo tuaire ferís tanben un jove de 17 ans.

Los còsses de las quatre victimas son rebonduts al cementèri Har Hamenouhot de Jerusalèm[17] lo 21 de març de 2012.

Identificacion del tuaire modificar

Los servicis de la policia scientifica anoncièron que la meteissa arma[18] foguèt utilizada dins los tres episòdis.

Fòrça pistas foguèron consideradas per explicar aqueles murtres. D'entre los ipotèsis citats, i a aquelas del terrorisme interior o exterior, d'un desequilibrat o d'un « lop solitari » coma Anders Behring Breivik[19]. Tres ancians militars ligats a de movements neonazis foguèron suspectats d'en primièr [20] puèi innocentats.

Un element decisiu venguèt lo dimars 20 de març de 2012: un revendaire Yamaha a Tolosa se remenbrèt que quinze jorns abans (lo dimars 6 de mars de 2012[21]), un client venguèt dins sa botiga comprar una cagola e li demandèt – sens obtenir de responsa – cossí desactivar lo sistèma de geolocalizacion ( tracker ) de l'escotèr Yamaha TMAX qu'aviá panat amb lo fraire la meteissa jornada. Donèt als policièrs los noms[22].

Lo RAID decidiguèt alara d'intervenir per arrestar Mohammed Merah, un Francés de 23 ans e venent d'una familha argeriana [23]. De comparasons se faguèron mercé a l'adreça IP de l'ordenador portable de la maire e de son escotèr, panat[24].

Operacion del RAID modificar

L'apartament de Merah, situat dins lo quartièr tolosenc de la Còsta Pavada, al 17 carrièra del Sergent Vigné, foguèt aprochat per la polícia. Lo dimècres 21 de març de 2012, cap a 3h15 del matin, aprèp que la pòrta resistiguèsse a l'emplec d'un boçon, Mohamed Merah se revelhèt e tirèt a travèrs la pòrta subre los policièrs venguts l'arrestar. Dos foguèron ferits leugièrament[25]. D'un autre costat, de membres de sa familha foguèron més en detencion preventiva. La maire, abitant lo quartièr del Miralh, menada suls luòcs, refusa tota discussion amb lo filh, afortissent qu'auriá pas de presa sus el[26]. Mai tard, dins la matinada, l'immòble foguèt vojat dels sieus abitants[27].

Fichièr:17 carrièra del Sergent Vigne, Toulouse.jpg
Faciada de l'apartament.

Aprèp mai de 30 oras de sètge, lo RAID, aprèp aver lançat de granadas assordissentas per crear de bèrcas e manténer Merah en estat de tension, assautèt lo 22 de març de 2012 a 10h30[28], dintrant fin finala dins l'apartament que Merah aviá equipat de barricadas. L'assaut comencèt a 11h30, Merah sortiguèt de la sala de banh e montèt a l'assaut[29]. Lo cap del RAID anoncièt en seguida que los policièrs recebèron l'òrdre de ripostar pas.

Dos policiers foguèron ferits[30]. A 11h32, Merah moriguèt fin finala d'una bala dins lo cap[31] e d'una autra dins lo ventre, Merah aviá declarat voler morir «las armas dins la man»[32].

L'assaut final durèt en tot set minutas.

Seguidas judiciàrias modificar

Lo 21 de març de 2012 al meteis temps que lo sètge de l'apartament de Mohamed Merah, foguèron arrestat preventivament lo fraire, Abdelkader Merah[33], la femna d'aquel, e la maire dels dos fraires. La femna d'Abdelkader e la maire foguèron liberadas lo dissabte 24 de mars de 2012. Alara que Abdelkader Merah foguèt inculpat per complicitat d'assassinats e associacion de malfaitors en vista de la preparacion d'actes de terrorisme, e empresonat lo dimenge 25 de març 2012.

La mòrt de Merah atuda definitivament l'accion publica jamai serà copable mas se pòt considerar segon la lei francesa coma l'autor dels actes.

Perfil de Mohammed Merah modificar

Article detalhat: Mohammed Merah.

Merah se revendicava d'Al-Qaida e seriá anat en Afganistan e dins las regions tribalas del Paquistan. Invocava entre autre la mòrt d'enfants palestinians dins lo Conflicte araboisraelian e la volontat de «se'n prene a l'armada francesa» per justificar son acte[34]. Confia aver le sentiment que «tuar un soldat francés en França auriá lo meteis restontissent que tuar dètz soldats franceses en Afganistan»[35].

Notas et referéncias modificar

  1. Toulouse e Montalban: lo ministèri public antiterrorista se sasís de las enquèstas leparisien.fr, 19 de març de 2012
  2. "film", Mohammed Merah executava sas victimas a cap tocant(fr)"Mohammed Merah, lo raubaire de sac a man vengut assassin" de Laureline Duvillard, 21 de març de 2012, lematin
  3. (fr)La traca policièra del tuaire s'intensifica, lenouvelobs.fr
  4. "ladepeche.fr"(fr)"Montalban-Tolosa. Tres execucions, una meteissa arma", LaDépêche.fr, 17 mars 2012
  5. (fr)"La meteissa arma foguèt utilizada a Tolosa e a Montalban", Le Nouvelobs.fr, 19 de març de 2012
  6. (fr)"Militars tuats: Lo punt sus l’enquèsta" 20minutes.fr 16 de març de 2012}
  7. (fr)"Tolosa e Montalban: un tuaire calculador que coneis las armas" sus lavoixdunord.fr
  8. (fr)"Montaldran. Lo militar tuat d'una sola bala, segon l'autopsia", La Dépêche 21 de març de 2012
  9. [1]
  10. "ladepeche.fr"
  11. (fr)"Militars abatuts a Montalban: "Vesiái las flamas sortir del canon", 20 de març de 2012
  12. "ladepeche.fr"
  13. "film"(fr)"Mohamed Merah filmèt totas sas tuariás", sus LaDépêche.fr, 22 de març de 2012.
  14. (fr)"Lo tuaire vist un a pichona camèra cenchada al pitre" 20 minutes, lo 20 de març de 2012
  15. dailymail (en) Richard Hartley-Parkinson Toulouse shooting: 4 dead and several injured by gunman at French Jewish accessdate=19 mars 2012Daily Mail UK 19 de Març 19, 2012, Richard Hartley-parkinson; Peter Allen 19 de març de 2012
  16. (en) Fiona Govan Toulouse shooting: heartbreaking detail of attack that shocked France and Israel [2] The Telegraph, 20 de març de 2012
  17. (en) Toulouse Victims Buried in Israel. The New York Times, March 21, 2012.
  18. "Fusilhada de Tolosa: la meteissa arma utilizada dins las tres serias de murtres a Tolosa e a Montalban" Le Point, 19 de març de 2012
  19. (fr)"Fusilhada de Tolosa: Miègjorn-Pirinèus en alèrta ecarlata" Slate 20 de març de 2012
  20. La pista de tres militars neonazis forabandits del 17n RGP 20 de març de 2012
  21. Abdelkader Merah nia aver ajudat son cabdet mas l'accompanhèt a Yamaha sus dh.be
  22. "test""Una enquèsta exprèssa", sus letelegramme.com, 22 de març 2012.
  23. (fr)Mohamed Merah: la cara del tuaire sus rtl.be
  24. "Mohammed Merah"EN DIRECTE. "Tolosa: lo suspècte, encerclat, se poiriá rendre dins la vesprada" Le Parisien, lo 21 de març de 2012
  25. id "Mohammed Merah"
  26. EN DIRECTE. "Tolosa: lo tiraire de l'escotèr totjorn encerclat pel Raid" 21 de març de 2012, L'Express.fr
  27. A la fin del matinada, la premsa anoncièt l'evacuacion dels residents
  28. (fr)"Cinc questions sus l'operacion del Raid a Tolosa"Marie-Amélie Lombard lo 23 de març de 2012, lefigaro.fr
  29. "300 cartochas tiradas pendent l'assaut"
  30. "Dos policièrs ferrits pendent l'assaut"
  31. "Tuat per una bala dins lo cap"
  32. "Tornatz viure l'assaut dels òmes del Raid que menèt a la mòrt de Mohamed Merah" lepoint.fr}}
  33. Veire, "Abdelkader Merah, grand fraire e consciéncia radicala del tuaire." Le Monde, 25 de març de 2012.
  34. Toulouse : "Merah encerclat, le Raid joga la mòstra" sus Le Nouvelobs.com
  35. -merah-regrettait-avoir-manque-la-rentree-classes-ecole-juive "Tolosa: Mohamed Merah regretava d'aver mancat la dintrada de las classas a l'escòla josieva"

Ligams extèrnes modificar

(fr) Lo film dels eveniments per La Dépêche du Midi