L’Uzi es un pistolet mitralhaire israelian desvolopat a partir de 1948 per Uziel Gal (1923-2002). Intrada en servici en 1952, es una arma simpla, fisabla e compacta que conoguèt un succès fòrça important amb mai de 10 milions d'unitats produchas.

Fotografia d'un Uzi.

ConcepcionModificar

L'Uzi foguèt imaginat e concebut per Uziel Gal, un oficier de l'armada israeliana, après la Premiera Guèrra Israeloaraba. Voliá crear una arma leugiera, pauc costosa e susceptibla d'èsser utilizada per de combatents pauc acostumats a l'utilizacion d'un fusiu de guèrra (artilhariá, equipatge de veïculs, logistica, etc). Per aquò, s'inspirèt d'un ensemble d'armas chècas, lo ZK 476 (que demorèt a l'estat de prototipe) e lei pistolets mitralhaires dau tipe Sa 23. Un pistolet mitralhaire tirant de municions de 9 mm Parabellum èra una chausida adaptada car son utilizacion demanda pas un entraïnament lòng. Lei cartochas son tanben aisadas de produrre car son un estandard per lei pistolets.

L'arma foguèt donc oficialament adoptada per Israèl en 1951. Pasmens, la produccion comencèt lentament. Lei fòrças especialas recebèron l'arma en 1954 e lo rèsta dei fòrças en 1956. Gràcias a sei qualitats, equipèt mai de tropas que dins lo projècte iniciau de son creator. D'efiech, leis oficiers e de tropas d'assaut l'utilizèron egalament coma arma principala.

Lei premiers modèls èran dotats de partidas de fusta, especialament la cròça. Pasmens, aquò durèt e, tre leis ans 1950, de materiaus plastics foguèron utilizats per fabricar certanei pèças. La version finala foguèt concebuda en 1960 mai la guèrra de 1956 mostrèt l'interès de l'arma sus lo prat batalhier. Dins leis ans seguents, l'arma evolucionèt pauc e gardèt seis avantatges (còst feble, pes feble, etc), çò que li permet de demorar una bòna arma au començament dau sègle XXI. De versions encara pus leugieras, principalament destinadas a la polícia, apareguèron a partir deis ans 1970. Permèton generalament de tirar amb una cadéncia pus auta mai lo canon pus cort entraïna una demenicion de la portada.

AnnèxasModificar

Liames intèrnesModificar

BibliografiaModificar

  • (fr) Martin J. Dougherty, Armes à feu : encyclopédie visuelle, Elcy éditions, pp. 224-225.

Nòtas e referénciasModificar